تورکیه تشقی ایشلر وزیری پاکستان گه تشریف بویوردی

تورکیه جمهوریتی تشقی ایشلر وزیری مولود چاووش اوغلی ایککی کونلیک رسمی سفر آرقه لی پاکستان نینگ پایتختی اسلام آبادگه تشریف بویوردی.

چاووش اوغلی اولاً پاکستان جمهور باشلیغی عارف علوی تامانیدن قبول بولیب اوچره شدی.

علوی جناح صالونیده اویوشتیریلگن مراسمده چاووش اوغلی گه "هلال پاکستان" میدالی تقدیم ایتدی.

چاووش اوغلی بو اوچره شوو بیلن تیگیشلی اوله راق تویتر آدرسی آرقه لی معلومات بیردی.

"جمهور باشلیغی علوی گه جمهور باشلیغیمیز ایردوغان نینگ سلاو و یخشی تیلکلرینی تقدیم ایتدیک. پاکستان ایککینچی اوییمیز. مکمل مناسبتلریمیزنی بوندن هم یخشیراق قیله میز. هلال پاکستان میدالی نی فخر بیلن تاقه من. یشه سین تورکیه – پاکستان قرداشلیگی" دیب ایتدی.

چاووش اوغلی کیین پاکستان تشقی ایشلر وزیری شاه محمود قریشی بیلن هم اوچره شدی.

یوزمه یوز اوچره شووده اوز ارا مناسبت، منطقوی و خلق ارا مسئله لر قولگه آلیندی.

ایککی اولکه مناسبتلرینی رواجلنتیریش اوچون خلق ارا مسئله لرده ایککی تامانلمه منفعتلر دایره سیده مشترک ستراتیژی تعقیب ایتیش توغریسیده کیلیشیب آلیندی.

ایککی وزیر عین دمده دنیاده ییره ب بارگن اسلام دشمن لیگی گه بولگن علاقه اوچون خواطرلرینی تیلگه آلیب اسلام قدریتلرینی قوریقلش بوییچه مشترک فعالیت آلیب باریلیشی خصوصی اورغولندی.

بو اوچره شووده تورکیه – پاکستان ستراتیژیک اقتصادی لایحه سی نینگ عملی قیلینیشی کیره ک لیگی تاکییدلندی.

باشقه تاماندن پاکستان تشقی ایشلر وزیری قریشی کشمیر موضوعی بوییچه همکارلیکلری اوچون تورکیه گه منتدارچیلیک بیلدیردی.

وزیرلرنینگ اوچره شووی نینگ ارتیدن هیئاتلر ارا جلسه گه اوتدیلر.

جلسه نینگ آرتیدن چاووش اوغلی بیلن پاکستان معارف وزیری محمود تامانیدن تورکیه معارف بنیادی (TMV) نینگ حالتی و فعالیتلری بیلن تیگیشلی کیلیشوو بیتیمی گه قول قوییلدی.

اوشبو کیلیشوو بیلن تورکیه معارف بنیادی، پاکستانده خلق ارا نادولت تشکیلاتیدن دولت اداره سی حالتی که کیلتیریلدی.