تورکیه سکیز میلیون دالرلیک بال صادر قیلدی

تورک بالی, جاری ییل نینگ دستلبکی اوچ آییده 38 اولکه ده آلووچی تاپدی. 

شرقی آقدینگیز صادراتچی لر بیرلیگی نینگ معلوماتی گه کوره, دنیا بال تولیدیده چین دن سونگ ایکّینچی, بال صادراتیده ایسه 16- اورین نی ایگلله گن تورکیه, جاری ییل نینگ دستلبکی اوچ آییده 2 مینگ 133 تن بال صادر قیلدی.  اوشبو صادرات دن 8 میلیون 187 مینگ 58 دالر عاید قولگه کیریتیلدی. 

تورکیه نینگ بال صادر قیلگن اولکه لر قطاریده 2 میلیون 477 مینگ 57 دالرلیک بیر رقم بیلن امریکا قوشمه ایالتلری بیرینچی اورین نی ایگلله دی.  اوشبو اولکه دن کیین ایسه تورکیه اینگ کوپ آلمان (2 میلیون 38 مینگ 698 دالر) و اسپانیا (538 مینگ 628 دالر) گه بال صادر قیلدی. 

میلادی 2023- ییل نینگ خوددی شوو دوری دن فرقلی اوله راق جاری ییل نینگ دستلبکی اوچ آییده کانادا, ونزوئلا, فیلیپین, چک, فرانسه, آلبانیا, نپال, سویس و مراکش گه تورک بالی صادر قیلیندی.