تورکیه ایکّی آیده بیش میلیون دالرلیک بال صادر قیلدی

تورکیه نینگ 2 آیلیک بال صادراتی دن قولگه کیریتگن عایدی 5,1 میلیون دالردن عبارت بولدی. 

شرقی قاره دینگیز صادراتچی لر بیرلیگی رهبرلیک کینگشی نینگ باشلیغی صفوت کالیونجو, تورکیه دن جاری ییل نینگ دستلبکی 2 آییده 29 اولکه گه بال صادر قیلینگن لیگینی بیلدیردی. 

جنوری بیلن فبروری آیلریده بال صادراتی نینگ 1256 تن گه ییتگن لیگینی بیلدیرگن کالیونجو, اوشبو صادرات نتیجه سیده 5 میلیون 179 مینگ 996 دالر عاید قولگه کیریتیلگن لیگینی معلوم قیلدی. 

کالیونجو, امریکا قوشمه ایالتلری, آلمان و انگلستان نینگ اینگ کوپ صادرات قیلینگن 3 اولکه دن عبارت بولگن لیگینی بیلدیررایکن, "بال صادراتی میزده 1 میلیون 944 مینگ 149 دالر بیلن امریکا قوشمه ایالتلری بیرینچی اوریننی ایگلله دی.  امریکا قوشمه ایالتلری آرتیدن 1 میلیون 73 مینگ 904 دالر بیلن آلمان ایکّینچی و 265 مینگ 531 دالر بیلن ایسه انگلستان اوچینچی اورین گه ایگه بولدی.  اوتگن ییل نینگ خوددی شوو دوری دن فرقلی اوله راق آذربایجان, کانادا, عمان, مالزیا, شمالی مقدونیه, فرانسه, ونزوئلا, سویس و لبنان گه بال صادر قیلیندی" دییه قید ایتدی.