تورکیه بیلن اوزبیکستان اورته سیده گی تجارت حجمی آرتیب کیتدی

تورکیه جمهوریتی جمهوررئیس اورینباسری جودت ییلماز, تورکیه نینگ اوزبیکستان بیلن بولگن تجارت حجمی نینگ اوچ یریم میلیارد دالر گه ییتگن لیگینی معلوم قیلدی. 

ییلماز, انقره ده بولیب اوتگن تورکیه- اوزبیکستان اقتصادی ییغیلیشیده معروضه قیلدی. 

اوزبیکستان نینگ, تورکیه نینگ صادراتیده اوچینچی, وارداتیده ایسه بیشینچی اورینده ایکن لیگینی معلوم قیلگن ییلماز, تجارت حجمی نی ینه ده آرتیره دیگن لیکلرینی ایسله تیب اوتدی. 

ییلماز, "اوزبیکستان بیلن بولگن تجارت حجمی میز 3,5 میلیارد دالر گه ییتگن وضعیتده.  اوزبیکستانده گی سرمایه گذارلیک مقداری میز 1,5 میلیارد دالر بولیب, بیر مینگ 7 یوز دن آرتیق شرکتی میز اوزبیکستان نینگ فرقلی جای لریده فعالیت یوریتماقده" دییه قید ایتدی. 

تورکیه بیلن اوزبیکستان اورته سیده گی تجارت حجمی هدفی نینگ 5 میلیارد دالر اوله راق انیقلنگن لیگی نی بیلدیرگن ییلماز, اوز سوزلرینی, "انشاءالله سرمایه دارلری میز نینگ حمایتی بیلن یقین کیله جکده اوشبو هدفی میز گه نایل بولیب ینگی هدف لر انیقله یمیز" شکلیده دوام ایتدیردی.