تورکیه رومانیا گه طبیعی گاز صادر قیله دی

تورکیه دن رومانیا گه کونده لیک 4 میلیون متر مکعب گه قدر طبیعی گاز صادر ایتیلیشی بوییچه کیلیشوو امضالندی. 

تورکیه جمهوریتی قوور لر بیلن پطرول انتقال ایتدیریش شرکتی (بوتاش) تامانیدن بیریلگن بیاناتده, "بوتاش, منطقه نینگ کتته انرژی شرکت لری دن بیری بولگن او ام وی پطروم بیلن مهم بیر کیلیشوو امضاله دی.  کونده لیک 4 میلیون متر مکعب گه قدر طبیعی گاز نینگ صادراتی اوچون امکانیت تامین ایتیب بیره دیگن و میلادی 2025- ییل 31- مارچ کونیده اداققه ییته دیگن اوشبو کیلیشوو دایره سیده تورکیه دن رومانیا گه قوور لر بیلن طبیعی گاز صادراتی 1- اکتوبرده باشله یدی" دییه قید ایتیلدی. 

بیاناتده, تامان لرنینگ طبیعی گاز تجارتی دن تشقری, انتقال, دیپولش, تولید و یشیل انرژی تکنالوژی لری ساحه سیده هم همکارلیک نی رواجلنتیریش بوییچه کیلیشیب آلگن لیگی معلوم قیلیندی. 

عینی دمده بیاناتده, "حاضرگی کون گه قدر قوور لر بیلن منطقه اولکه لریدن یونان, بلغاریا و هنگری گه طبیعی گاز صادراتی بوییچه مهم کیلیشوو لر امضاله گن بوتاش, گاز صادر قیلیاتگن اولکه لر قطاری گه رومانیا نی هم کیریتیب قوشنی بازار لرده و اروپاده انرژی عرضه سی خوفسیزلیگی و فرقلی لیگی گه حصه قوشماقده" دییه قید ایتیلدی. 

تورکیه, هنگری بیلن آگست آییده و بلغاریا بیلن ایسه جنوری آییده طبیعی گاز صادراتی بوییچه کیلیشوو امضاله گن ایدی.