طالبان حکومتی بیلن چین شریک لیگیده ایلک مرته نفت تولید ایتیش گه باشلندی

افغانستان ده طالبان بیلن چین شرکتی CAPEIC نینگ شریکلیگی نینگ آرتیدن سرپل ولایتیده ایلک مرته بیر قدوقدن نفت چیقریش گه باشلندی.

سرپل ولایتی نینگ قشقری منطقه سیده نفت قدوغیدن تولید ایشلری باشلشی مناسبتی بیلن اویوشتیریلگن پروگرام گه طالبان اوتیش دوری حکومتی نینگ کانچیلیک و نفت وزیری اورینباسری شهاب الدین دلاور بیلن چین شرکتی ییتکچیلری قتنشدی.

دلاور بو جایده قیلگن صحبتیده بو منطقه ده گی 15 ته نفت قدوغی نینگ 2023 ییلی نینگ سونگگی گچه قیته قوریلیشیدن و فعالیت گه اوتیشیدن خبر بیردی.

خارجی سرمایه کیریتووچیلرنی اولکه گه دعوت ایتگن دلاور کیلگوسیده ولایتده گی نفت قدوقلریدن 100 تن نفت نینگ چیقریله جگینی معلوم قیلدی.

شونده ی بولیب طالبان باشقرووی افغانستان نینگ شمالیده جایلشگن مزار شریف و جوزجان شهرلری آره سیده 95 کیلومترلیک بیر طبیعی گاز قووری لایحه سی نینگ باشلنگن لیگینی بیلدیردی.

طالبان اوتیش دوری حکومتی بیلن چین شرکتی CAPEIC اورته سیده 5 جنوری تاریخیده اولکه نینگ شمالیده جایلشگن آمو دریانینگ اطرافیده نفت قیدیروو و چیقریش توغریسیده بیر کیلیشووگه قول قوییلگندی.

بولیب اوتگن کیلیشووگه کوره جوزجان، فاریاب و سرپل ولایتلریده توپلم 4 مینگ 500 کیلومترلیک ساحه ده نفت قیدیرووی آلیب باریله دی.

چین شرکتی نینگ ایلک ییل 150 میلیون دالر، 3 ییلده ایسه توپلم 540 میلیون دالر سرمایه کیریتیشی کوتیلماقده.

کیلیشوو مدتی نینگ 25 ییل ایکن لیگی بیراق چینلیک شرکت نینگ 1 ییل ایچیده مسؤلیتلرینی بجا کیلتیرمه گن تقدیرده کیلیشوونینگ فسخ بوله جگی بیلدیریلگندی.

طالبان گه ایلک باسقیچده 20 فایز حصه بیریله جگی وقت اوتگچ 75 فایزگه کوتریلیشی افاده ایتیلدی. شونده ی بولیب اوشبو پروژه بیلن 30 مینگ نفر افغانستانلیک که ایش امکانیتی یراتیله جگی قید ایتیلدی.