تورکیه کویت گه قوراللی اوچووچیسیز اوچاق ساته دی

کویت بیلن تورکیه نینگ بایکار شرکتی اورته سیده تورکیه ده ایشلب چیقریلگن قوراللی اوچووچیسیز اوچاق دن عبارت بیرقدار تی بی 2 نینگ کویت گه صادراتی بوییچه کیلیشوو جریانی موفقیت بیلن تکمیل بولدی. 

اوشبو توغریده بایکار شرکتی تامانیدن اجتماعی ترماق آرقه لی بیانات بیریلدی. 

بیاناتده, "کویت دولتی بیلن بیرقدار تی بی 2 نینگ صادراتی بوییچه آلیب باریلیاتگن کیلیشوو پروسه سینی موفقیت بیلن تکمیل قیلدیک. امریکا, اروپا و چین دن هم شرکت لرنینگ اشتراک قیلگن رقابت گه اساسلنگن پروسه نینگ قازانگن تامانی بولگن بیرقدار تی بی 2, میلادی 2019- ییلده چول شرایطیده 27 ساعت 3 دقیقه هواده قالیب اینگ اوزاق مدت رکوردی نی اورنتگن کویت آسمانیده وظیفه اجرا قیله دی" دییه قید ایتیلدی. 

عینی دمده, کویت دولت علاقه باشقرمه سی دفتری تامانیدن اجتماعی ترماق آرقه لی بیریلگن بیاناتده, اوشبو کیلیشوو نینگ ارزشی نینگ 367 میلیون دالر ایکن لیگی معلوم قیلیندی.