سعودی عربستان نینگ تورکیه مرکز بانکی گه بیش میلیارد دالر قوییشی بوییچه کیلیشوو امضالندی

سعودی عربستان رواجله نیش فوندی, تورکیه جمهوریتی مرکز بانکی گه 5 میلیارد دالر قوییلیشی بوییچه کیلیشوو امضالنگن لیگینی بیلدیردی. 

سعودی عربستان رواجله نیش فوندی تامانیدن بیریلگن بیاناتده, سعودی عربستان قرالی سلمان بن عبدالعزیز آل سعود و ولیعهد شهزاده محمد بن سلمان آل سعود نینگ تصمیمی بیلن تورکیه و سعودی عربستان اورته سیده گی مناسبت لرنینگ مستحکم لشتیریلیشی بوییچه مهم بیر قدم تشلنگن لیگی بیلدیریلدی. 

بیاناتده, سعودی عربستان توریزم وزیری و سعودی عربستان رواجله نیش فوندی رهبریتی کینگشی نینگ باشلیغی احمد ال خطیب بیلن تورکیه جمهوریتی مرکز بانکی رئیسی شهاب قاووچی اوغلی اورته سیده تورکیه جمهوریتی مرکز بانکی گه 5 میلیارد دالر پول قوییلیشی توغریسیده کیلیشوو امضالنگن لیگی معلوم قیلیندی. 

بیاناتده, "سعودی عربستان قرال لیگی بو کیلیشوو بیلن تورک خلقی نی کوچلی بیر شکلده حمایت قیلیاتگن لیگی و تورکیه اقتصادی نینگ کیله جگی گه ایشانیاتگن لیگی نی کورستماقده" دییه قید ایتیلدی.