اوزبیکستان بیلن روس شرکتی گازپروم اورته سیده کیلیشووگه قول قوییلدی
اوشبو کیلیشوو طبیعی گاز ساحه سیده همکارلیک یول خریطه سیدن عبارت
روس انرژی شرکتی گازپروم اوزبیکستان اورته سیده طبیعی گاز ساحه سیده همکارلیک «یول خریطه سی" گه قول قوییلدی.
گازپروم تامانیدن بیریلگن بیاناتده، گازپروم باشلیغی الکسی میلر بیلن اوزبیکستان انرژی وزیری جوره بیک میرزا محمدوف نینگ بیر اوچره شوو اوتکزگن لیکلری بیلدیریلدی.
اوچره شووده گازپروم بیلن اوزبیکستان اورته سیده همکارلیک موضوعلری نینگ تیلگه آلینگن لیگی قید ایتیلدی.
بیاناتده "میلر و میرزا محمدوف طبیعی گاز ساحه سیده همکارلیک «یول خریطه سی" گه قول قویدی" دیب ایتیلدی.
روسیه، اوزبیکستان و قزاقستان اورته سیده اوچ تامانلیک طبیعی گاز همکارلیگی ایجاد ایتیلیشی توغریسیده مصلحتلشوو اوچره شوولری دوام ایتماقده.
کرملین سوزچیسی دیمیتری پیسکوف 2022 ییلی نوامبر آییده بیرگن بیاناتده، روسیه، اوزبیکستان و قزاقستان اورته سیده اوچ تامانلیک طبیعی گاز همکارلیگی نینگ برچه نینگ منفعتی گه بوله جگینی معلوم قیلیب بیرینچی باسقیچده بیر علاقه میکانیزمی ایجاد ایتیلیشی نینگ ریجه لنگن لیگینی بیلدیرگندی.
