روسیه آلمان گه طبیعی گاز ییتکزیب بیریش نی توخته تدی
گازپروم تامانیدن 19- آگست ده بیریلگن بیاناتده, شمالی آقیم قووری ده گی تخنیکی قیین چیلیک لر سببلی, 31- آگست دن باشلب اوچ کون گه طبیعی گاز ییتکزیب بیریش نینگ توخته تیله دیگن لیگی بیلدیریلگن ایدی
روسیه شمالی آقیم قووری آرقه لی آلمان گه طبیعی گاز ییتکزیب بیریش نی بوگون دن باشلب اوچ کون گه توخته تدی.
شمالی آقیم قووری نی باشقریاتگن شرکت, خوددی شوو یول بیلن آلمان گه گاز ییتکزیب بیریش فعالیت لری نینگ 31- آگست بیلن 2- سپتامبر آره سیده عملگه آشیریلمه یدیگن لیگی نی بیلدیردی.
گازپروم تامانیدن 19- آگست ده بیریلگن بیاناتده, شمالی آقیم قووری ده گی تخنیکی قیین چیلیک لر سببلی, 31- آگست دن باشلب اوچ کون گه طبیعی گاز ییتکزیب بیریش نینگ توخته تیله دیگن لیگی بیلدیریلگن ایدی.
کرملین سوزچیسی دیمیتری پسکوف, اولکه سی گه قره تیلگن تحریم لر سببلی طبیعی گاز ییتکزیب بیریش نینگ توخته تیلگن لیگی نی بیلدیررایکن, اوروپا لیک سیاستچی لرنینگ قیلگن ایش لری باعث وطنداش لری نینگ ینه ده کوپراق پول توله ش گه مجبور بولیب قالگن لیک لری نی معلوم قیلدی.
گازپروم, تحریم لر سببلی قوور نینگ فرقلی قسم لریده گی قیین چیلیک لر باعث, اوشبو قوور آرقه لی یوباریلیاتگن گاز مقداری نی تقریباً 80 فایز کمه یتیرگن ایدی.