سپین بولدک چیگره دروازه سی آچیلدی

افغانستان بیلن پاکستان اورته سیده گی سپین بولدک چیگره دروازه سی آچیلدی.  شونده ی قیلیب اوشبو چیگره دروازه سیدن پیاده لر و تجاری موتر لر نینگ اوتیشی ممکن.

افغانستان مطبوعاتی گه کوره, افغانستان نینگ قندهار ولایتی گه باغلیق سپین بولدک تومنی بیلن پاکستان نینگ بلوچستان ایالتی چمن شهری اورته سیده گی چیگره دروازه سی بیر آی کیین قیته آچیلدی. 

پاکستان نینگ کابل ایلچی سی منصور احمد خان, اجتماعی ترماق آرقه لی بیرگن بیاناتیده, سپین بولدک چیگره دروازه سی نینگ پیاده لر و تجاری موتر اوچون آچیلگن لیگی نی بیلدیررایکن, پاکستان حکومتی نینگ 31 دسامبر گه قدر افغانستان وطنداش لری دن ویزه پولی آلمه یدیگن لیگی نی معلوم قیلدی. 

اوشبو چیگره دروازه سی دن محلی وقت بیلن ایرته لب ساعت 8 دن کیچقرون ساعت 4 گه قدر اوتیش نینگ ممکن ایکن لیگی بیلدیریلدی. 

ایککی اولکه اورته سیده گی مهم چیگره دروازه لری دن عبارت سپین بولدک بیلن تورخم چیگره دروازه لری, آگست آیی دن بیری پاکستان و هم طالبان تامانیدن معلوم زمانی فاصله لر بیلن یاپیلیب قیته آچیلگن ایدی. 

چیگره ده گی ایککی اولکه خوفسیزلیک کوچ لری اورته سیده ایریم پیت لرده یوز بیریاتگن کیلیشمووچیلیک لر نینگ چیگره دروازه لری نینگ یاپیلیشی گه سبب بولگن لیگی بیلدیریلماقده.