قزاقستان ده کرونا ویروس گه قرشی ایملنگن کیشی لردن بیری گه اوی ساوغه قیلینه دی

قزاقستان پایتختی نور سلطان ده, کووید 19 گه قرشی باشله تیلگن کمپاین دایره سیده ایمله نه دیگن کیشی لر دن بیری گه قرعه نتیجه سیده اوی ساوغه قیلینه دی. 

نور سلطان والیسی آلتای کولگینوف, بیرگن یازمه بیاناتیده, قزاقستان ده کرونا ویروس نینگ ترقه لیشی تیزلیگی جهتی دن آلیب قره گنده پایتخت نینگ قیزیل کتگوری ده اورین آلگن لیگی نی بیلدیردی. 

کولگینوف, اوشبو ویروس گه قرشی اجتماعی معافیت نینگ تامین ایتیلیشی اوچون نفوس نینگ 60 فایزی نینگ ایمله نیشی کیره ک ایکن لیگی نی بیلدیررایکن, کینگ کولملی واکسین کمپاینی آلیب باریله دیگن لیگی نی معلوم قیلدی. 

پایتخت ده گی واکسین کمپاینی دایره سیده, قرعه نتیجه سیده بیر کیشی گه 2 اتاقلی بیر اوی ساوغه قیلینه دیگن لیگی نی معلوم قیلگن کولگینوف, قرعه گه 25- جون 31- آگست کون لری آره سیده بیرینچی دوز بیلن ایملنگن 18 یاشینی تکمیل قیلگن وطنداش لرنینگ اشتراک قیلیشی نینگ ممکن ایکن لیگی نی بیلدیردی. 

آلتای کولگینوف, قرعه نتیجه سیده معلوم قیلینه دیگن اوشبو اوی نینگ ایگه سی نینگ اسمی نی سپتامبر آیی نینگ باشیده اعلان قیله دیگن لیک لری نی ایسله تیب اوتدی. 

نور سلطان ده گی مارکیت لرده قوریلگن ایملش مرکز لری ده ایملنگن وطنداش لرگه مغازه و رستورانت لر ده تخفیف امکانیتی تامین ایتیب بیریله دی. 

قزاقستان ساغلیق نی سقلش وزیرلیگی, کووید 19 نینگ "دلتا" توری نینگ اولکه ده دستلب پایتخت نور سلطان ده انیقلنگن لیگی نی بیلدیرگن ایدی. 

باش وزیر اورینباسری ییرعلی توگجانوف هم اولکه ده ییترلی واکسین دوزی نینگ موجود ایکن لیگی نی بیلدیررایکن, وطنداش لر نینگ واکسین گه قیزیقیشی نینگ آز ایکن لیگی نی معلوم قیلگن ایدی.