جاپان 31 اولکه گه توپلم 39 میلیون دالر مالی یاردم بیره دی

جاپان, کووید 19 واکسین لری نینگ ساووق هواده سقله نیب ترقه تیلیشی بوییچه 31 اولکه گه توپلم 39 میلیون دالر مالی یاردم بیره دی. 

جاپان تشقی ایشلر وزیرلیگی تامانیدن بیریلگن بیاناتگه کوره, لاتین امریکا و کارائیب ده گی اولکه لرگه, بیرلشگن ملتلر تشکیلاتی باله لر یاردم فوندی (یونیسیف) آرقه لی تامین ایتیله دیگن اوشبو مالی یاردم, کووید 19 واکسینی نینگ ساووق هواده سقله نیب ترقه تیلیشی بوییچه استفاده ایتیله دی.  

گواتامالا, هایتی, جامائیکا, نیکاراگوا, پاراگوای, ونزوئلا, مصر, اتوپیا, نایجریا و تونس هم اوشبو مالی یاردم لر دن فایده له نه دیگن اولکه لر لیستیده اورین آلماقده. 

جاپان تشقی ایشلر وزیری موتیگی توشیمیتسو بیرگن بیاناتیده, "جاپان نینگ کوچیدن فایده له نیب یاردم لری میزنی دوام ایتتیره میز" دییه قید ایتدی.

جاپان, میلادی 2021- ییل نینگ سونگگی گه قدر جهان بویلب 2 میلیارد دوز کووید 19 واکسینی تسلیم ایتیش نی ریجه له گن کووید 19 واکسین لری خلق ارا ایریشیش پروگرامی (COVAX) گه هم 200 میلیون دالر وعده بیرگن ایدی.