تورکیه کونگیللی افغانستان گه قیتیب باره دیگن کیشی لر گه ایش امکانیتی تامین ایتیب بیره دی

تورکیه جمهوریتی قیزیل یریم آی جمعیتی, تورکیه دن کونگیللی اوز یورتی گه قیتیب باره دیگن افغانستان لیک لر گه ایش امکانیتی تامین ایتیب بیره دی. 

"کونگللی عودت آرتیدن حمایت" پروژه سی دایره سیده پایتخت کابل ده, کونگیللی اولکه سی گه قیتیب بارگن افغانستانلیک بیر کیشی اوچون موزقیماق دوکانی آچیلدی.

آچیلیشده صحبت قیلگن تورکیه قیزیل یریم آی جمعیتی افغانستان هیئتی نینگ باشلیغی فرید احمد ضیا, یورت لری گه قیتیب کیلگن افغانستان لیک لر اوچون ایش امکانیتی تامین ایتیب بیریش بوییچه پلان دایره سیده آلتمیش بیرینچی دوکان نی آچگن لیک لری سببلی خرسند ایکن لیک لری نی بیلدیردی. 

بو دوکان نی موزقیماق ساتیله دیگن بیر دوکان اوله راق آچگن لیک لری نی بیلدیرگن ضیا, آچیلگن مذکور دوکان نینگ برچه موادی نینگ تامین ایتیب بیریلگن لیگی و 5 آیلیک کراسی نینگ هم تولنگن لیگی نی معلوم قیلدی. 

ضیا, شونده ی قیلیب تورکیه دن کونگیللی قیتیب کیلیاتگن افغانستان لیک لر گه ایش تامین ایتیب بیریش نی ریجه لیاتگن لیک لرینی بیلدیردی.