جمهوررئیس ایردوغان: تورکیه دینگیز کوچ لری نینگ کوچلی بولیشی کیره ک

تورکیه جمهوریتی جمهوررئیسی رجب طیب ایردوغان, انترنت آرقه لی, ماوی وطن 2021 حربی تطبیقاتی گه اشتراک ایتدی. 

ایردوغان تطبیقات بیلن علاقه لی بیرگن بیاناتیده, "جاری ییلده ینه کوچلی راق و کینگ کولملی و منظم تطبیقات بیلن اوز یورتی میزده ایشلب چیقاریلگن سلاح لرنی سیناودن اوتکزماقده میز" دییه قید ایتدی. 

جمهوررئیس ایردوغان, تورکیه نینگ فقط گینه اقتصاد ایمس, بلکه حربی ساحه ده هم کوچلی بولیشی کیره ک ایکن لیگی نی بیلدیردی. 

ایردوغان, کوچلی دینگیز کوچ لریگه ایگه بولیش نینگ تورکیه جهتی دن بیر ترجیح ایمس, بلکه مجبوریت دن عبارت ایکن لیگی نی معلوم قیلدی. 

جمهوررئیس ایردوغان, "هیچ بیر اولکه نینگ توپراغی, دینگیزی و حاکمیتی نی هدف قیلیب آلگن ایمس میز.  فقط گینه یورتی میز و حق لری میز نی مدافعه قیلیش گه حرکت قیلماقده میز" دییه قید ایتدی. 

ایردوغان, تورکیه نینگ اوچووچیسیز اوچاق لر جهتی دن دنیا نینگ اینگ یخشی 3-4  اولکه سی دن بیری ایکن لیگی نی بیلدیردی. 

جمهوررئیس ایردوغان, "حاضرگی کون گه قدر اولکه میزده ایشلب چیقاریلگن 3 میلیارد دالردن آرتیق پول گه 130 دن کوپراق دینگیز پلارتفورمی صادر قیلدیک.  قیرغاق خوفسیزلیک کوچ لری میز بیلن اوز سوو لری میز و دینگیز کوچ لری میز بیلن دنیا نینگ هر تامانیده امنیت نینگ تامین ایتیلیشی بوییچه خدمت قیلیب کیلماقده میز. 

باشقه ساحه لرده بولگن لیگی دیک دینگیزچیلیک بوییچه هم تورکیه نی دنیا نینگ اینگ ایلغار اولکه لر قطاری گه کیریتیش توغریسیده قرارلی میز.  دینگیز لر گه حاکم بولگن جهان گه حاکم بوله دی.  اوشبو مفکوره بیلن کوچی میز نینگ آرتیریلیشی گه کتته اهمیت بیرماقده میز.  اوز اوروش کیمه سی نی دیزاین ایتیاتگن, تولید ایتیاتگن و اوشبو ایش نی دوام ایتتیره آلیاتگن 10 اولکه قطاری ده اورین آلماقده میز" دییه قید ایتدی.