تورک دولت لر همکارلیک نی آشیریش گه قرار قیلیشدی

تورک تیلیده گپیره دیگن اولکه لر همکارلیک کینگشی (تورک کینگشی) انرژی وزیر لری, انرژی ساحه سی بوییچه همکارلیک نی آشیریش گه قرار قیلیشدی. 

انترنت آرقه لی بولیب اوتگن تورک کینگشی انرژی وزیر لری بیرینچی ییغیلیشی آرتیدن یازمه بیانات بیریلدی. 

بیاناتده, اوشبو ییغیلیشده تورکیه نینگ کون ترتیبی ده گی موضوع لر نینگ بهالنتیریلیشی اوچون فعالیت گروپ لری نینگ قوریلیشی بوییچه فکری نینگ قوللب- قووتلنگن لیگی معلوم قیلیندی. 

بیاناتده, خلق ارا مالی موسسه لر بیلن ورکشاپ لر اوتکزیلیشی بوییچه فکر توغریسیده هم سوز یوریتیلگن لیگی بیلدیریلدی. 

عینی دمده بیاناتده, قیته تیکله نه دیگن انرژی ساحه سی بوییچه کینگ بیر تجربه گه ایگه تورکیه نینگ, تجربه لری نی اعضا اولکه لر بیلن اورتاق له شیش اوچون برنامه لر ترتیب لش گه تیار ایکن لیگی معلوم قیلیندی. 

بوندن تشقری بیاناتده, تامان لرنینگ پطرول و گاز ساحه سی بوییچه همکارلیک نینگ آشیریلیشی گه طرفدار ایکن لیگی معلوم قیلینرایکن, قزاقستان گه پطرو- کیمیا محصولاتی نینگ ترقه تیلیشی اوچون بیر میکانیزم قوریلیشی توغریسیده جزئیاتلی فعالیت عملگه آشیریشی پیشنهاد ایتیلگن لیگی بیلدیریلدی. 

قزاقستان نینگ 2022- ییل ده بولیب اوته دیگن ایککینچی ییغیلیش گه میزبان لیک قیلیش نی قبول قیلگن لیگی بیلدیریلگن بیاناتده, تامان لرنینگ انرژی ساحه سی بوییچه همکارلیک نی آشیریش گه قرار قیلگن لیک لری معلوم قیلیندی. 

اوشبو ییغیلیش گه تورک کینگشی نینگ عمومی سکرتری بغداد امره یف, تورکیه جمهوریتی, آذربایجان و قزاقستان انرژی و طبیعی منبع لر وزیری فاتح دونمز, پرویز شهبازوف و نورلان نوغایف, قیرغیزستان انرژی وزیرلیگی اورینباسری ویرونیکا عیسی اوه, اوزبیکستان انرژی وزیرلیگی مشاوری عزیز علی محمدوف, هنگری تشقی ایش لر و تجارت وزیرلیگی انرژی و اقلیم بوییچه مسئولی دورا زومبوری اشتراک ایتدی.