تورکیه: امریکا نینگ تحریم قراری توغری بیر سیاست ایمس
اوشبو مطلب نی تورکیه جمهوریتی تشقی ایش لر وزیری مولود چاووش اوغلی بیلدیردی
تورکیه جمهوریتی تشقی ایش لر وزیری مولود چاووش اوغلی, امریکا قوشمه ایالتلری نینگ تحریم قراری نینگ حقوقی و سیاسی جهت دن ناتوغری بیر حرکت دن عبارت ایکن لیگی نی بیلدیردی.
چاووش اوغلی, امریکا قوشمه ایالتلری نینگ تورکیه گه قره تیلگن تحریم لری باره سیده بیانات بیردی.
چاووش اوغلی, "امریکا قوشمه ایالتلری نینگ تحریم قراری حقوقی و سیاسی جهت دن ناتوغری بیر اقدام دن عبارت. بیر اولکه نینگ بیر تامانلمه قراری دیر. تورکیه نینگ یاکه باشقه بیر اولکه نینگ حاکمیتی گه هجوم دن عبارت" دییه قید ایتدی.
چاووش اوغلی اوز سوز لری نی, "محتواسی گه قره گنده بیزگه قتتیق تاثیر قالدیره گن بیر تحریم ایمس. آرقه گه قدم تشلش بولسه ایدی حاضرگه چه بولر ایدی. همکار لری میز اوشبو تحریم لرنینگ تاثیر لری نی کینگ کولملی تیکشیرماقده و بونگه کوره اویغون قدم لر تشله یمیز" شکلیده دوام ایتتیردی.
مولود چاووش اوغلی, امریکا قوشمه ایالت لری بیلن مناسبت لرنینگ عادی بیر وضعیت گه کیلیشی اوچون تورکیه نینگ طلب لری نینگ بجا کیتیریلیشی کیره ک ایکن لیگی نی معلوم قیلدی.
