جمهوررئیس ایردوغان مهم بیانات لر بیردی
ایردوغان, تورکیه اقتصادی نینگ هرخیل سناریو گه قرشی تیار ایکن لیگی نی معلوم قیلدی
تورکیه جمهوریتی جمهوررئیسی رجب طیب ایردوغان, کابینه ییغیلیشی آرتیدن بیرگن بیاناتیده, تورک اقتصادی نینگ هر خیل سیناو, ینگی فرصت لر و فرقلی سناریو لر گه قرشی تیار ایکن لیگی نی بیلدیردی.
ایردوغان, "وطنداش لری میز نینگ راحت بولیش لری, اوزلوکسیز وضعیت نی منفی تصویر ایتیاتگن لر گه قره می, بیز گه و اقتصادی رهبریتی میز گه ایشانیش لری نی طلب ایته من" دییه قید ایتدی.
تورکیه نینگ خلق ارا اقتصاد تاریخی گه ثبت ایتیلیشی ممکن بولگن بیر دور دن اوتیاتگن لیگی نی معلوم قیلگن جمهورئیس ایردوغان, اوز سوز لری نی, "تورکیه کووید 19 پاندمی سی آرتیدن باشله یدیگن دور گه, کوچلی, چیدَملی و رقابتچی بیر خلق ارا اکتور اوله راق کیریش بوییچه قرارلی" شکلیده دوام ایتتیردی.
جمهوررئیس ایردوغان یاش لر و عیال لر داخل برچه انسان لر اوچون استخدام تامین ایتیش بوییچه سیاست لر گه اهمیت بیره دیگن لیک لری نی معلوم قیلدی.
تورکیه نینگ ملی فضا پروگرامی توغریسیده هم بحث ایتگن ایردوغان, "جوده یقین کون لرده اولکه میز نینگ بیراغی فضاده ینه ده کوچلی راق بیر شکلده هیلپیره یدی" دییه قید ایتدی.
