روسیه نینگ اقتصادی کوچی نینگ بیش فایز مقیاسیده پَسَیب کیتیشی ممکن

روسیه نینگ سابق مالیه وزیری آلکسی کودرین, ینگی تور کرونا ویروس (کووید 19) سببلی آلینگن تدبیر لرنینگ دوام ایتیشی تقدیرده اوشبو اولکه نینگ اقتصادی کوچی نینگ 5 فایز مقیاسیده پسیب کیتیشی نینگ ممکن ایکن لیگی نی معلوم قیلدی. 

کودرین روسیه نینگ RBK تلویزیونی بیلن قیلگن مصاحبه سیده, "بانک لر اوچ آیده اوشبو بحران نی حس ایته باشلَیدی.  6 آی مابینیده ایسه بوتونلی حس ایته دی.  بانک لرنینگ قوشیمچه سرمایه قوشیش لری گه ضرورت بولیشی ممکن" دییه قید ایتدی. 

روسیه ده 2,5 میلیون کیشی نینگ ایش سیز ایکن لیگی نی بیلدیرگن کودرین, اوز سوز لری نی, "اوشبو رقم نینگ اوتکینچی روشده 8 میلیون گه قدر کوتریلیب کیتیشی ممکن" شکلیده دوام ایتتیردی. 

روسیه ده بیر آی گه یقین بیر مدت دن بیری قرنطین تطبیق ایتیلیاتگن لیگی نی معلوم قیلگن کودرین, "تدبیر لرنینگ قنچه مدت گه تمدید ایتیله دیگن لیگی یاکه ایتیلمیدیگن لیگی انیق ایمس.  اوشبو موضوع نینگ اوزی ایسه ایریم منطقه لر بیلن بعضی سکتور لر نینگ کتته قیین چیلیک لر گه دوچ کیلیب قاله دیگن لیگی نی کورستماقده.  کووید 19 گه قرشی تدبیر لر نینگ تمدید ایتیلیشی تقدیرده, روسیه نینگ اقتصادی کوچی نینگ 5 فایز مقیاسی ده پسیب کیتیشی ممکن" دییه قید ایتدی.