افغانستان بیلن تاجکستان اورته سیده تیمیر یولی قوریله دی

افغانستان بیلن تاجکستان اورته سیده تیمیر یولی قوریلیشی بوییچه کابل و دوشنبه رهبریت لری بیر کیلیشوو گه قول قویدی. 

اوشبو کیلیشوو تاجکستان ترانسپورت وزیری خدایار خدایارزاده بیلن افغانستان تیمیر یول لری اداره سی نینگ عمومی رئیسی محمد یما شمسی تامانیدن امضالندی. 

خوددی شوو تیمیر یولی پنج دریاسی آرقه لی تاجکستان ده گی کلخوز آباد منطقه سی نی افغانستان ده جایلشگن شیرخان بندر گه اولَیدی. 

تاجکستان ترانسپورت وزیرلیگی تامانیدن بیریلگن بیاناتده, اوشبو تیمیر یولی نینگ تورکمنستان-افغانستان-تاجکستان تیمیر یولی پروژه سی جهتی دن مهم بیر باسقیچ ایکن لیگی بیلدیریلدی. 

عینی دمده بیاناتده, خوددی شوو تیمیر یولی نینگ چین-قیرغزستان-تاجکستان-افغانستان-ایران تیمیر یولی پروژه سی جهتی دن هم مهم ایکن لیگی معلوم قیلیندی.