مکسیکونینگ آرژانتین بویوک ایلچیسی کتاب اوغیرله گن لیگی بیلن عیبلنماقده

آرژانتین ده کتاب اوغیرله گن لیگی بیلن عیبلنگن مکسیکولیک بویوک ایلچی اولکه سیگه چقیریب آلیندی.

مکسیکو تشقی ایشلر وزیری مرسیلو ابرارد، 10 دالرلیک کتابنی اوغیرله گن لیگی بیلن عیبلنگن بوئینوس آئریس بویوک ایلچیسی اوسکار ریکاردو والیرو ریسیئونینگ اولکه سیگه چقیریب آلینگن لیگینی بیلدیردی.

ابرارد، اجتماعی ترماق تویتر آدرسی آرقه لی بیر گن معلوماتده؛

"اخلاق کمیته سیدن، مشهور بیر کتابچیدن کتاب آلگن لیگی بیلن عیبلنگن آرژانتین ده گی بویوک ایلچی نینگ وضعیتی نینگ تیکشیریلیشینی خواهله دیم. عین دمده اوزی نینگ هم اولکه گه قیتیب کیلیش بویروغینی بیردیم. تصویرلرنینگ توغریلیگی انیقلنگنده وظیفه دن چیتلنتیریله دی. ساخته کارلیک کیچیریلمه یدی" دیب افاده ایتدی.

آرژانتین نینگ مطبوعاتیده اورین آلگن تصویرلرده، 76 یاشده گی بویوک ایلچی نینگ 26 اکتوربرده بوئینوس آئریس نینگ کتته کتابچیسیده رفدن بیر کتابنی آلیب اخبارنینگ ایچی گه یشیرگن لیگی و پولینی تووله مسدن چیقیب کیتماقچی بولگن لیگی بیراق خوفسیزلیک زنگی چلیب ایشیکده گی خوفسیزلیک ملازیمی نینگ اوشلب آلگن لیگی کوریلماقده.

اوسکار ریکاردو والیرو ریسیئونینگ کتابنی ساتیب آلمه گن لیگینی انیقلب پولیس گه خبر بیرگن لیگی و بویوک ایلچیدن شکایتچی بولگن لیگی قید ایتیلدی.

اوغری لیک بیلن عیبلنگن بویوک ایلچی دیپلومات بولگن لیگی اوچون آرژانتینده قولگه آلیش، محکمه قیلیش و جزالردن معاف دیر.

اوسکار ریکاردو والیرو ریسیئونینگ اوغیرله گن بیلن عیبلنگن 10 دالرلیک کتاب نینگ فرانسیز تاریخچی یازووچی گای چاوزیناند-نوگارت یازگن بیر کتاب ایکن لیگی معلوم قیلیندی.