تورک مدافعه صنایع سی شرکت لری خلق ارا کورگزمه گه اشتراک ایته دی

تورکیه جمهوریتی مدافعه صنایع سی ریاستی ییتکچیلیگیده 42 تورک شرکتی, انگلستان پایتختی لندن ده بولیب اوته دیگن, دنیا نینگ مهم مدافعه صنایع سی کورگزمه لریدن بیری بولگن خلق ارا مدافعه و خوفسیزلیک کورگزمه سی گه اشتراک ایته دی. 

جاری ییلده 10-13 سپتامبرده بولیب اوته دیگن اوشبو کورگزمه گه مدافعه و خوفسیزلیک بیلن علاقه لی شرکت لردن تشقری اولکه لرنینگ یوقاری مرتبه لی رسمی هیئت لری هم قتنشه دی. 

ایککی ییلده بیر مراتبه بولیب اوته دیگن اوشبو کورگزمه گه جاری ییلده 50 دن اولکه دن, 1 مینگ 600 خلق ارا شرکت بیلن 35 مینگ دن آرتیق مشتری نینگ اشتراک قیلیشی کوتیلماقده. 

تورکیه جمهوریتی مدافعه صنایع سی باشلیغی اسماعیل دیمیر باشچیلیگیده گی تورک هیئتی هم چیت ایل هیئت لری بیلن رسمی اوچره شوو لر اوتکزه دی. 

اوشبو کورگزمه دایره سیده تورکیه ده ایشلب چیقاریلگن زرهی واسطه لر, پیلوتسیز اوچاق لر, حربی موتر لر, دینگیز کوچ لری سیستم لری, الکترونیک سیستم لر, مهمات, حربی کییم- کیچک و لوژستیک محصولات نمایش ایتیلیب اوشبو خصوصده معلومات بیریله دی.