جاپان ده جی ییگیرمه رهبر لر ییغیلیشی باشله دی
اوشبو رهبر لر ییغیلیشی ایککی کون دوام ایته دی
جاپان نینگ اوساکا شهریده باشله گن و ایککی کون دوام ایته دیگن جی 20 رهبر لر ییغیلیشی جاپان باش وزیری شینزو ابی نینگ مهمان رهبر لرنی کوتیب آلیشی و رهبر لرنینگ صورت گه توشیشی بیلن باشله دی.
خوددی شوو صورت گه توشیش جریانیده تورکیه جمهوریتی جمهوررئیسی رجب طیب اردوغان بیلن امریکا قوشمه ایالت لری دولت رهبری دونالد ترامپ یانمه یان توریشدیلر.
تورکیه جمهوریتی جمهورئیسلیک ریاستی نینگ مطبوعات دفتری نینگ باشلیغی فخرالدین آلتون تامانیدن تویتر آرقه لی ترقه تیلگن تصویر لرده ایسه جمهوررئیس اردوغان نینگ روسیه دولت رهبری ولادیمیر پوتین بیلن فرانسه جمهوررئیسی امانوئل ماکرون بیلن صحبت قیلیاتگن لیگی کورینماقده.
کیین چه لیک اردوغان, رهبر لر بیلن بیرگه "دیجیتال اقتصاد" ییغیلیشی گه قتنشدی.
اوشبو ییغیلیش آرتیدن ایسه رهبر لر ترتیب لنگن بیر ضیافت گه اشتراک قیلدی.
خوددی شوو ضیافت آلدی دن اردوغان نینگ پوتین بیلن بولگن صمیمی صحبتی عکس ایتدی.
عینی دمده جمهوررئیس اردوغان اوشبو دایره ده دنیا بانکی باشلیغی دیوید مالپاس نی قبول ایتدی. اوشبو اوچره شوو نینگ یریم ساعت دوام ایتگن لیگی بیلدیریلدی.
