اروپا بیرلیگی کینگشی افغانستانگه اقتصادی یاردم بیریشنی تعهد ایتدی

بیرلشگن ملتلر تشکیلاتی و افغانستان حکومتی تامانیدن سویس ده گی بیرلشگن ملتلر ژنو دفتریده اویوشتیریلگن افغانستان کنفرانسیده اروپا بیرلیگی کینگشی بیلن افغانستان اورته سیده اقتصادی یاردم پاکتی کیلیشوویگه قول قوییلدی.  

خلق ارا اتفاق و ترقیاتدن مسؤل اروپا بیرلیگی کینگشی اعضاسی Neven Mimica بیلن افغانستان مالیه وزیری محمد همایون قیومی تامانیدن امضالنگن کیلیشووگه کوره، اروپا بیرلیگی کینگشی افغانستانگه 474 میلیون یورولیک اقتصادی یاردم عملگه آشیره دی.

اوشبو اقتصادی یاردم افغانستان نینگ قیته قوریش، خصوصی سکتورده گی ینگی لیکلر، ساغلیق، عدالت، سیلاولر بیلن کوچ حادثه سی و مملکتده اوی - جاییدن بدرغه بولگنلرگه یاردم ایتیشنی مقصد قیلیب آلماقده.

اروپا بیرلیگی کینگشی اعضاسی Mimica کیلیشوو بیلن تیگیشلی بیرگن بیاناتیده؛

"اروپا بیرلیگی، مملکت نینگ کوچلی راق کیله جک بنا قیلیشی اوچون افغانستان و خلقی نینگ یانیده بولیب تورماقده دیر" دیب ایتدی.

امضالنگن کیلیشووگه کوره، اقتصادی یاردم پاکتی نینگ 311 میلیون یوروسی افغانستان نینگ قیته دن قوریلیشی اوچون، 31 میلیون یوروسی عدالت سکتوری اوچون، 80 میلیون یوروسی ساغلیق و آزیقلنیش، 15،5 میلیون یوروسی سیلاو پروسه سینی حمایه قیلیش مقصدی بیلن، 37 میلیون یوروسی ایسه کوچ و اوی – جاییدن بدرغه بولگنلرگه خرجت قیلینه دی.

باشقه تاماندن افغانستان جمهور باشلیغی اشرف غنی، چیت ایل لیک شرکتلرنینگ مملکت گه سرمایه قیلیشلری اوچون چقیریغ قیلدی.

امریکا قوشمه ایالتلری نینگ جنوبی و اورته آسیادن مسؤل تشقی ایشلر وزیری اورینباسری Alice Wells ایسه کنفرانس بیلن تیگیشلی بیرگن بیاناتیده افغانستان نینگ اقتصادی اوله راق ترقی قیلیشی نینگ مملکت گه تینچ لیکنی اورنه تیلیشی گه باغلیغ ایکنینی ایتدی.

Wells، افغانستان حکومتی نینگ ترقیات اوچون جدی فعالیتلر الیب بارگن لیگینی بیراق بوندن باشقه بیجه ریله دیگن انچه ایشلرنینگ موجود ایکن لیگینی اورغوله دی.

کنفرانس نینگ خلق ارا جمعیت گه طالبان نینگ تیزلیک بیلن مذاکره گه اولتیریب تینچ لیک جریانی گه باشله ییشی اوچون بیر چقیریغ فرصتی ایکن لیگی گه اشاره قیلگن Wells افغانستان خلقی نینگ توقنه شوولردن بیزیککن لیگینی ایندی تینچ لیک خواهله گن لیکلرینی افاده ایتدی.

Wells، طالبان گروهی نینگ تینچ لیکدن بحث ایتگن حالده شدتنی کمه یتیرمه ی ترورچیلیک هجوملرنی کوپه یتیرگن لیگینی ایتدی.

امریکا قوشمه ایالتلری نینگ طالبان گروهی بیلن اوچره شیشی بیلن تیگیشلی بیر سوالگه ایسه، Wells، امریکا قوشمه ایالتلری نینگ برچه گروهلر بیلان اوچره شگن لیگینی بیلدیردی.