اروپا بیرلیگی افغانستان لیک مهاجرلرگه یاردم بیره دی

اروپا بیرلیگی کمسیونی، تورلی اولکه لرده گی افغانستان لیک مهاجرلرگه 44 ملیون یورو انسانی یاردم عملگه آشیرماقچی بولگن لیگینی بیلدیردی.

اروپا بیرلیگی کمسیونی تامانیدن بیریلگن بیاناتده، اوزاق ییل لردن بیری دوام ایتیب تورگن توقنه شوولر و طبیعی عافت لر باعث یاردم گه مهتاج بولیب قالگن افغانستان لیک قاچقین لرگه مالی یاردم عملگه آشیرماقچی بولگن لیکلری قید ایتیلگن.

مذکور یاردم پاکتی، اینقسه ایران و پاکستان ده گی افغانستان لیک قاچقین لر و اولرنینگ عائله لرینی اوز ایچیگه آلماقده.

اوشبو 44 ملیون یورولیک یاردم نینگ 25،5 ملیونی افغانستان ده اوی – جای لریدن بدرغه بولگن عائله لرگه، تقریباً 10 ملیون یوروسی ایران ده گی مهاجرلرنی حمایه قیلووچی انسانی یاردم موسسه لریگه، 7 ملیون یورو هم پاکستان ده گی افغانستان لیک مهاجرلر اوچون بو اولکه ده گی یاردم بیرووچی موسسه لرگه بیریله دی.

عین دمده منطقه ده گی عافت خوفینی کمه یتیریش پروژه لری اوچون مصرف قیلینه دی