تورکیه مطبوعاتیدن خلاصه لر 22.04.2024

حریت روزنامه سی, تورکیه جمهوریتی تشقی ایشلر وزیری خاقان فیدان نینگ, توناون موریتانیا تشقی ایش لر وزیری محمد ولید مرزوق بیلن ترتیب له گن اورتاق مطبوعاتی کنفرانسیده, "میلادی 1997- ییل چیگره لری اساس قیلیب آلینگن حالده پایتختی شرقی بیت المقدس بولگن مستقل, حاکم و جغرافی حاکمیت گه ایگه بیر فلسطین دولتی نینگ قوریلیشی گه قدر تشبث لری میز دوام ایته دی" دییه قید ایتگن لیگینی معلوم قیلماقده. 

ستار روزنامه سی, جنوبی کوریا نینگ ینگی انقره ایلچی سی جیونگ یوندو نینگ, اولکه سی و تورکیه اورته سیده مدافعه صنایع سی بوییچه همکارلیک لر حقیده گپیررایکن, "تورکیه نینگ اوچووچیسیز اوچاق لر, هیداوچیسیز دینگیز واسطه لری, اینگ سونگّی تکنالوژی گه ایگه اوروش اوچاق لری کبی مدافعه ساحه سیده مهم موفقیت لر قولگه کیریتگن لیگی سببلی کیلگوسیده هم ایکله اولکه اورته سیده ینگی همکارلیک امکانیت لری نینگ ممکن بوله دیگن لیگینی اویله ماقده من" دییه قید ایتگن لیگینی یازماقده.

صباح روزنامه سی, تورکیه نینگ فرقلی شهر لریدن افغانستان گه کیتگن 12 کیشی لیک کونگللی ساغلیق نی سقلش تیمی نینگ, پایتخت کابلده گی اتاتورک باله لر کسلخانه سیده تداوی و عملیات ایشلری گه باشله گن لیک لری گه دقت قره تماقده. 

خبرده, تورک داکتر لرنینگ افغانستانلیک باله لر اوچون امید منبعی بولگن لیک لری ایسله تیلماقده. 

خبرتورک روزنامه سی, تورکیه نینگ آیدین ولایتی قوش اده سی تومنیده, کیلیاتگن لوکس کیمه لر سانی نینگ آرتیب کیتگن لیگی نینگ دوکاندار لرنی خرسند قیلیب قویگن لیگینی بیلدیرماقده. 

خبرده, اوتگن ییلده 531 کیمه بیلن 785 مینگ یولاوچی نینگ کیلگن اوشبو شهرگه, میلادی 2024- ییلده 625 کیمه بیلن دینگیز آرقه لی 1 میلیون دن آرتیق سیاح نینگ کیلیشی نینگ کوتیلیاتگن لیگی معلوم قیلینماقده. 

وطن روزنامه سی, تورکیه جمهوریتی نینگ تینیس بوییچه ملی سپورتچی سی عایله آقسوو نینگ, ایتالیاده بولیب اوتگن تورنمنت ده قهرمان بولگن لیگینی معلوم قیلماقده.