تورکیه مطبوعاتیدن خلاصه لر 29.04.2024
تورکیه مطبوعاتیده باسیلیب چیققن خبر لرنینگ خلاصه لری
صباح روزنامه سی, تورکیه جمهوریتی تشقی ایشلر وزیری خاقان فیدان نینگ تلفن آرقه لی فلسطین باش وزیری و تشقی ایش لر وزیری محمد مصطفی بیلن سوزلشگن لیگینی بیلدیرماقده.
خبرده, اوشبو صحبتده غزه و غربی نوارده گی سونگّی وضعیت باره سیده سوز یوریتیلگن لیگی معلوم قیلینماقده.
حریت روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, بیرلشگن عرب امیرلیک لری سرمایه گذارلیک وزیری محمد بن حسن السویدی بیلن استانبولده بولیب اوتگن اوچره شوو گه تیگیشلی بیرگن بیاناتیده, "کیلگوسیده بیرلشگن عرب امیرلیک لری, عراق و قطرلیک کسبداش لریم بیلن 4 تامانلمه بیر ییغیلیش اوتکزه میز. رواجله نیش یولی پروژه سیده همکارلیگی میز نی دوام ایتدیره میز" دییه قید ایتگن لیگی نی ایسلتماقده.
ستار روزنامه سی, تورک سریال لری نینگ مکسیکولیک لرنینگ تورکیه گه توریست بولیب کیلیشیده مهم رول گه ایگه ایکن لیگینی بیلدیرگن مکسیکو توریزم وزیری میگوئل توروکو مارکس نینگ, "تورک رهبر لر, انچه موفقیتلی سریال لر و فلم لر دن فایده له نیب تانیتیش فعالیت لری بیلن کتته یوتوق لر قولگه کیریتدی, چیگره لردن آشیب مکسیکو گه ییتیب کیلدی. تورکیه نینگ کولیب تورگن یوزی و دوستلیگینی کورسه تیب بیردی" دییه قید ایتگن لیگینی یازماقده.
وطن روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, ال ان جی کیلیشووی اوچون امریکا قوشمه ایالتلری نینگ انرژی شرکتی دن عبارت اکسان موبیل بیلن اوچره شوو اوتکزیلگن لیگینی بیلدیرگن لیگی نی معلوم قیلماقده.
خبرتورک روزنامه سی, صربستانده بولیب اوتگن اروپا بوکس قهرمانلیک مسابقه لریده ایرکک لر 51 کیلوده تورک سپورتچی صمد گومیش نینگ فاینلده هنگری لیک رقیبی آتیلا برنارد نی مغلوبیت گه اوچره تیب آلتین مدال کسب ایتگن لیگینی یازماقده.
