تورکیه مطبوعاتیدن خلاصه لر 16.04.2024

وطن روزنامه سی, تورکیه جمهوریتی جمهوررئیسی رجب طیب اردوغان نینگ, تلفن آرقه لی, قطر امیری آل ثانی بیلن سوزلشگن لیگینی معلوم قیلماقده. 

خبرده, اوشبو صحبتده, تورکیه بیلن قطر اورته سیده گی مناسبت لر, خلق ارا و منطقه مقیاسیده گی مسئله لر بیلن اسرائیل نینگ غزه گه قره تیلگن هجوملری حقیده سوز یوریتیلگن لیگی ایسله تیلماقده. 

حریت روزنامه سی, تورکیه جمهوریتی تشقی ایشلر وزیری خاقان فیدان نینگ, توناون, تلفن آرقه لی, بیرلشگن ملتلر تشکیلاتی عمومی منشی سی آنتونیو گوترش بیلن سوزلشگن لیگینی یازماقده. 

خبرده, اوشبو صحبتده, منطقه ده گی سونگّی ینگیلیک لر, غزه ده گی وضعیت, قبرس مسئله سی و قاره دینگیزده سیر و سفر خوفسیزلیگی حقیده سوز یوریتیلگن لیگی معلوم قیلینماقده. 

ینی شفق روزنامه سی, تورکیه جمهوریتی ملی استخبارات اداره سی نینگ باشلیغی ابراهیم قلین نینگ, سی آی ای باشلیغی ویلیام بورنس بیلن غزه ده آتشکیسین مذاکره لری بیلن علاقه لی فکر المه شگن لیگینی بیلدیرماقده. 

خبرده, بورنس نینگ, هییت کونلریده قلین گه قونغیراق قیلیب ایران نینگ اسرائیل گه قرشی هجوم لری ادعا لری بیلن علاقه لی واسطه چیلیک قیلیشی نی طلب قیلگن لیگی ایسله تیلماقده. 

روزنامه, کیین قلین نینگ, تلفن آرقه لی حماس نینگ سیاسی دفتری باشلیغی هنیه بیلن سوزلشگن لیگینی یازماقده. 

خبرده, اوشبو صحبتده, آتشکیسین مذاکره لری, غزه لیک لرنینگ اوی لری گه قیتیب کیلیش لری, منطقه گه بشری یاردم لرنینگ ییتیشتیریلیب بیریلیشی و اسیر المه شووی سنگری موضوع لر حقیده سوز یوریتیلگن لیگی بیلدیریلماقده. 

صباح روزنامه سی, تورکیه نینگ استانبول هوا قونلغه سی نینگ 1- و 7- اپریل کون لریده کونده لیک اورته چه 1412 پرواز بیلن اروپا نینگ اینگ مزدحم هوا قونلغه سی اوله راق قبول قیلینگن لیگینی ایسلتماقده. 

ستار روزنامه سی, تورکیه بیلن پاکستان اورته سیده گی مناسبت لر حقیده گپیرگن پاکستان نینگ بیرلشگن ملتلر دایمی نماینده سی منیر اکرم نینگ, "همکارلیگی میز, ناانیق لیک و برقرارسیزلیک نینگ موجود بولگن اوشبو دورده اروپا, اورته شرق و همده آسیا اوچون جوده مهم" دییه قید ایتگن لیگینی یازماقده.