تورکیه نینگ مطبوعات خلاصه لری

یینی شفق گزیته سی: " تورکیه ملی خوفسیزلیک کینگشیده ترورچیلیک که قرشی کوره ش تاکییدلندی" سرلوحه سی بیلن خبر بیردی.

گزیته جمهور باشلیغی رجب طیب ایردوغان نینگ باشچیلیگیده گی تورکیه ملی خوفسیزلیک کینگشی جلسه سی نینگ آرتیدن بیریلگن یازمه بیاناتده ترورچیلیک که قرشی کوره ش تاکییدلندی. بیاناتده، " منطقه میز نینگ کیله جگیده ترور تشکیلاتلریگه و قوللب – قوتلاوچیلریگه هیچ بیر شکلده اورین بیریلمه یدی" دییلگن لیگینی یازماقده.

خبرتورک گزیته سی: " تورکیه ملی خوفسیزلیک کینگشیده غره ده تینچلیک اورورنیشلرینی قوللب – قوتلش تاکییدلندی" سرلوحه سی بیلن خبر بیردی.

گزیته تورکیه ملی خوفسیزلیک کینگشی بیلدیروویده خلق ارا همجمعیت گه اسرائیل نینگ غزه خلقی گه و یاردم تشکیلاتلریگه قره ته هجوملری نینگ یکونلنیشی، منطقه گه کینگ انسانپرورلیک یاردملرنینگ ییتکیزیلیشی و دایمی تینچلیک اورنه تیلیشی اوچون تورکیه نینگ اورونیشلرینی قوللب – قوتلش بوییچه چقیریق قیلینگن لیگینی یازماقده.

وطن گزیته سی: " صادرات بوییچه ریکورد اورنه تیلدی" سرلوحه سی بیلن خبر بیردی.

گزیته تجارت وزیری عمر بولات نینگ تورکیه نینگ مارچ آییده گی صادراتی نینگ 22 میلیارد 578 میلیون دالر بولگن لیگینی جنوری – مارچ باسقیچیده گی صادراتده 63،7 میلیارد دالر بیلن ریکورد اورنه تیلگن لیگینی ایتگن لیگینی یازماقده.     

ستار گزیته سی: " توساش نینگ ینگی تکنالوژیسی بیرلشگن عرب امیرلیکلری نینگ دقتینی تارتدی" سرلوحه سی بیلن خبر بیردی.

گزیته تورکیه نینگ مدافعه صنایعی محصولی بولمیش قاآن و حرجیت ده ایش آلینگن توساش نینگ ینگی تکنالوژیسی قونیش اسبابلری سیستمی بیرلشگن عرب امیرلیکلری نینگ اینگ بویوک مدافعه و هواچیلیک شرکتلری نینگ دقتینی تارتگن لیگینی یازماقده. گزیته سیستملرنی ایشلب چیقرگن تاآج نینگ ایلک چیت ایل کیلیشووی نینگ بیرلشگن عرب امیرلیکلری بیلن بولیب اوتگن لیگینی یازماقده.

صباح گزیته سی: " استانبول هوا قونلغه سی " سرلوحه سی بیلن خبر بیردی.

گزیته اوروپا هوا سیر و سفر خوفسیزلیگی تشکیلاتی (EUROCONTROL) نینگ 25 - 31 مارچ تاریخلری گه تیگیشلی اینگ گاوجوم قونلغه لری و هوا یولی ترافیکی حقیده گی راپوریگه کوره استانبول قونلغه سی نینگ کونده لیک اورته چه 1 مینگ 328 اوچیش بیلن اروپاده بیرینچی بولدی دیب یازماقده.