تورکیه مطبوعاتیدن خلاصه لر 27.03.2024

حریت روزنامه سی, بلجیم ده ترور تشکیلاتی پ.ک.ک طرفدار لری نینگ تورک لرنینگ مسجد لری و اویوشمه لری گه قره تیلگن هجوملری دوام ایترایکن, تورکیه جمهوریتی تشقی ایشلر وزیرلیگی نینگ ینگیلیک لرنی کوزه تیاتگن لیگی و تشقی ایش لر وزیری (خاقان فیدان) نینگ اوشبو موضوع بیلن علاقه لی بلجیم لیک کسبداشی بیلن تماس قورگن لیگی نی بیلدیرگن لیگینی یازماقده. 

صباح روزنامه سی, تورکیه جمهوریتی صنایع و تکنالوژی وزیری فاتح قاجیر نینگ, تورکیه نینگ میلادی 2000- ییلده ساغلام اراده بیلن کوککه تامان حرکت قیلیش پروژه لرینی عملی قیلگن لیگینی بیلدیررایکن, "تورکیه بیرقدار, عنقا, آقسونغور, آقینجی, حرقوش, حرجیت, آتاک, گوکبی, قیزیل المه و قاآن نی تولید ایتیب اوچیردی.  تورک ملتی نینگ کوککه چیققن لیگی نی هم ایسله اوتیشی میز ممکن" دییه قید ایتگن لیگی نی بیلدیرماقده. 

وطن روزنامه سی, تورکیه نینگ استانبول شهری نینگ میلادی 2024- ییل نینگ دستلبکی 2 آییده 2 میلیون 457 مینگ 518 چیت ایللیک توریست نی کوتیب آلگن لیگینی معلوم قیلماقده. 

خبرده, اوتگن ییل نینگ خوددی شوو دوری بیلن سالیشتیریلگنده استانبول گه کیلگن توریست سانی نینگ 8,08 فایز گه آشگن لیگی بیلدیریلماقده. 

روزنامه, استانبول گه فبرور آییده اینگ کوپ روس توریست نینگ کیلگن لیگی گه دقت قره تماقده. 

ستار روزنامه سی, تورک هواچیلیک و فضا صنایع سی نینگ, دستلبکی اوچیشی نی میلادی 2023- ییل 28- دسامبر کونی قیلگن عنقا 3 اوچون رواجلنتیریش و تست فعالیت لرینی دوام ایتدیریاتگن لیگی نی ایسلتماقده. 

خبرده, دستلبکی اوچیش دن قولگه کیریتیلگن معلومات دن فایده له نیلیب رواجلنتیریلگن و ینگی تست اوچیش لری قیلگن عنقا 3 نینگ, اوچینچی مراتبه اوچگن لیگی معلوم قیلینماقده. 

روزنامه, سونگّی پروازیده 2 ساعت هواده قالگن عنقا 3 نینگ, 10 مینگ فیت ارتفاع گه ایگه بولگن لیگینی یازماقده. 

خبرتورک روزنامه سی, تورک عیال سپورتچی ادا اردم نینگ, امریکا قوشمه ایالتلری تشقی ایشلر وزیرلیگی تامانیدن بیریلیاتگن "خلق ارا باتور عیاللر" ساورینی اوچون کاندید قیلیب کورسه تیلگن لیگی نی بیلدیرماقده.