تورکیه مطبوعاتیدن خلاصه لر 26.03.2024
تورکیه مطبوعاتیده باسیلیب چیققن خبر لرنینگ خلاصه لری
ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه نینگ چوروم ولایتیده قیلگن معروضه سیده, "تورکیه نی, بولووچی تروریزم بلاسی دن قوتقرگونگه قدر کوره شی میز نی دوام ایتدیره میز. ترورچی لرنینگ مرکز لرینی ویران قیلدیک. سوریه ده اویوشتیریلگن حربی عملیات لر بیلن ترورچیلیک هجوم لرینی توختدیک. وطنی میز نی بولیش پلان لرینی بوزیب تشله دیک" دییه قید ایتگن لیگینی ایسلتماقده.
ستار روزنامه سی, تورکیه جمهوریتی صنایع و تکنالوژی وزیری محمد فاتح قاجیر نینگ, "میلادی 2024- ییل 8- جولای کونی تورکیه نینگ ایلک ملی خبرله شیش ستلایتی دن عبارت تورکسات 6 ای نی فضاگه یوباره میز و شونده ی قیلیب دنیا ده خبرله شیش ستلایت لرینی اوزی تولید ایته آله دیگن 11 اولکه دن بیری بوله میز" دییه قید ایتگن لیگینی یازماقده.
حریت روزنامه سی, تورکیه جمهوریتی مدنیت و توریزم وزیری محمد نوری ارسوی نینگ, جاری ییل ده تورکیه فرهنگ یولی فستیوالیده مراسم لر سانی نینگ 6 مینگ دن آرتیق بوله دیگن لیگی نی بیلدیررایکن, اوز سوز لرینی, "8 آی دوام ایته دیگن فرهنگ – صنعت فعالیت لری بیلن تورکیه ده تقریباً بیر فستیوال اقلیمی نی حاکم قیله میز. دنیا ده بونینگ بیلن سالیشتیریلیشی ممکن بوله دیگن بیر ایش یوق" شکلیده دوام ایتدیرگن لیگی نی بیلدیرماقده.
وطن روزنامه سی, آلدینگی ییل بیلن سالیشتیریلگنده میلادی 2023- ییلده تورکیه ده ایشسیزلر میزانی نینگ 318 مینگ آزه ییب 3 میلیون 264 نفر گه توشگن لیگینی معلوم قیلماقده.
خبرده, شونده ی قیلیب ایشسیزلیک میزانی نینگ 1 پاینت پسه ییب 9,4 فایز بیلن سونگّی 10 ییل نینگ اینگ پس سویه سی گه توشگن لیگی ایسله تیلماقده.
صباح روزنامه سی, "دنیا نینگ اینگ یخشی فوتبال شهر لری آره سیده استانبول هم اورین آلماقده" عنوانی بیلن بیرگن خبریده, FourFourTwo مجله سی نینگ, دنیا نینگ اینگ یخشی فوتبال شهر لری لیستی نی اعلان قیلگن لیگینی بیلدیرماقده.
خبرده, اروپا, جنوبی امریکا و افریقا دن کوپلب شهر لرنینگ موجود بولگن اوشبو لیستده تورکیه نینگ استانبول شهری نینگ 9- اورین نی ایگلله گن لیگی معلوم قیلینماقده.
