تورکیه مطبوعاتیدن خلاصه لر 25.03.2024

ستار روزنامه سی, زیربنا و تکنالوژی پروژه لریده کتته یوتوق لر قولگه کیریتگن تورکیه نینگ, فایبر تکنالوژیده فرانسه آرتیدن اروپا ده ایکّینچی اورین نی ایگلله گن لیگینی معلوم قیلماقده. 

خبرده, تورکیه ده 18 میلیون اویده فایبر امکانیت نینگ موجود ایکن لیگی گه دقت قره تیلماقده. 

وطن روزنامه سی, تورکیه جمهوریتی صنایع و تکنالوژی وزیری فاتح قاجیر نینگ, استانبول اتاتورک هوا قونلغه سی ترمینال بنا سی نینگ کیله جگی بیلن علاقه لی بیر تانیتیش ییغیلیشی اوتکزگن لیگینی بیلدیرماقده. 

خبرده, قاجیر نینگ, "بو ییر دنیا نینگ اینگ کتته تکنالوژی تشبثی مرکزی دن عبارت بوله دی" دییه قید ایتگن لیگی ایسله تیلماقده. 

ینی شفق روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, شیرناق گابارده کونده لیک 37 مینگ بیرل پطرول تولید ایتیاتگن لیک لرینی بیلدیرگن لیگینی یازماقده. 

خبرده, بیرقدار نینگ, "رمضان آیی نینگ سونگّیده (9- اپریلده) اوشبو رقم 40 مینگ بیرل گه کوتریله دی.  هدفی میز ییل نینگ سونگّی گه قدر 100 مینگ بیرل دن عبارت" دییه قید ایتگن لیگی ایسله تیلماقده. 

صباح روزنامه سی, اوتگن 5 ییلده هردایم کوتریلگن بورس استانبول نینگ, میلادی 2024- ییلده هم تیز باشله گن لیگینی معلوم قیلماقده. 

خبرده, جاری ییل نینگ دستلبکی کونلریدن بیری 22 فایز بیلن دنیا نینگ اینگ کوپ کوتریلگن اوچینچی بازاری بولگن بورس استانبول نینگ, اوزاق مدتلی اویلیاتگن سرمایه گذارلر اوچون یخشی بیر امکانیت ایکن لیگی ایسله تیلماقده.