تورکیه نینگ مطبوعات خلاصه لری

ستار گزیته‌سی: « تورکیه تامانیدن دمدیئاس گه عکس العمل کورستیلدی» سرلوحه‌سی بیلن خبر بیردی.

خبرگه کوره تورکیه تشقی ایشلر وزیرلیگی سوزچیسی تانزو بیلگیچ یونان تشقی ایشلر وزیری نیکوس دمدیئاس نینگ تورکیه بیلن تیگیشلی بیاناتی گه عکس العمل کورستدی. بیلگیچ "تورکیه نینگ منطقه سیده و اطرافیده تینچلیک و برقرارلیک نینگ تامین ایتیلیشیده آلگن اساسی رولنی هزم قیلالمه گن یونان نینگ تورکیه بیلن تورلی ساحه ده رقابت قیلیب باریشی، همکارلیک نینگ اورنیده بحراننی ترجیح ایتیشی و تورکیه گه قرشی صنعی اتفاقلر توزیش گه اورونیشی بیهوده اورونیشلر دیر" دیب ایتدی.

خبر تورک گزیته‌سی: لیبیاده 2 ییلدن بیری اسیر آلینگن 7 ته تورک تبعه سی تورکیه گه آلیب کیلتیریلدی سرلوحه سی بیلن خبر بیردی.

خبرگه کوره لیبیانینگ شرقیده ناتوغری ادعالر 2 ییلدن بیری بیلن قولگه آلینگن 7 ته تورک تبعه سی ملی داستخبارات تشکیلاتی تامانیدن قطر استخباراتی بیلن بیرگه لیکده آلیب بارگن فعالیتی نتیجه سیده تورکیه گه آلیب کیلتیریلدی. جمهور باشلیغی رجب طیب ایردوغان یورتگه قیتیب کیلیشلری نینگ آرتیدن اولر بیلن تیلفون آرقه لی سوزلشدی.

صباح گزیته سی: تورک مهندسلر ایشلب چیقردی دنیاگه اورنیک بولدی سرلوحه سی بیلن خبر بیردی.

خبرگه کوره تورکیه مدافعه صنایعی، اینیقسه ایها (هیداوچیسیز هوا واسطه سی) و سیها (قوراللی هیداوچیسیز هوا واسطه سی) تکناوژی تیزیمی شو وقت دنیا مقیاسیده بیرینچی اورینده توره دی. جنوبی کوریا، امریکا قوشمه ایالتلریدن آلگن ایهالرنی تورکیه ده سینه ماقچی.  

یینی شفق گزیته‌سی: « تورکالی-2 ده ریکارد سویه گه » سرلوحه‌سی بیلن خبر بیردی.

خبرگه کوره‌، سکاریا گاز ساحه سیده گی تورکالی-2 قودوغیده آلیب دباریلگن گاز آقیش سینشیده کونده لیک 650 مینگ متر مکعب بیلن ریکارد سویه گه باردی.  

حریت گزیته سی: 650 ته کتته کیمه بیلن 750 مینگ توریست قوش آداسی گه کیله دی سرلوحه سی بیلن خبر بیردی.

خبرگه کوره تورکیه نینگ مهم توریستیک جایلریدن بولمیش آیدین نینگ قوش آداسی تومنی گه 2022 ییلی کیلیش اوچون 650 کروازیر کیمه سی بیلن 750مینگ ته توریست اورین اجره تدی.