تورکیه نینگ مطبوعات خلاصه لری
تورکیه نینگ مطبوعات خلاصه لری
ستار گزیتهسی: « تورکيه نینگ ف-35 اوچاقلری اوچون توله گن پولی عوضیگه امریکا قوشمه ایالتلری تامانیدن ینگی تکلیف» سرلوحهسی بیلن خبر بیردی.
خبرگه کوره، جمهور باشلیغی رجب طیب ایردوغان ایردوغهن انگولانینگ پایتختی لوانداگه یولگه چیقیشدن آلدین بیرگن بیاناتیده، امریکا قوشمه ایالتلری بیلن ف-16 اوچاقلری اوستیدن یوز بیرگن واقعه حقیده، «ینگی ف-16 اوچاقلری آلیش آرقهلی فلوتیمیزنی کینگهیتیریشنی خواهلهیمیز. امریکا قوشمه ایالتلری ف-35 اوچاقلری اوچون توله گن پولیمیز عوضیگه شوندهی تکلیف بیلن چیقدی» دیدی.
یینی شفق گزیتهسی: « تورکيهده 65 یاشدن کتّهلر اوچون علیحده تیز یاردم خدمتی تشکیل ایتیلهدی» سرلوحهسی بیلن خبر بیردی.
خبرگه کوره بوندهی خدمت دنیا نینگ باشقه دولتیده یوق. تیز یاردم طبي خدمتی متخصصلری جمغرمهسی تامانیدن تیارلنگن و اروپا اتفاقی نینگ تصدیقینی آلگن لایحه دایرهسیده تورکيهده 65 یاشدن کتّه وطنداشلر اوچون تیز یاردم خدمتی تشکیل ایتیلهدی. یوقاریده نامی تیلگه آلینگن جمغرمه رهبری پروفیسور دوکتور بشر جاندر: «دنیاده بوندهی تیزیم یوق. تورکيهده بیرینچی نمونهسینی یولگه قویماقدهمیز» دییه گپیردی.
حریت گزیتهسی: اروپادهگی هیداوچیلر احتیاجینی برطرف ایتیشیمیز ممکن سرلوحه سی بیلن خبر بیردی.
تورکيه و خلقارا یوک تشووچی موتر هیداوچیلری جمغرمهسی رهبری سیدات قاپلان، «اروپادهگی هیداوچیلر احتياجینی برطرف ایتیش امکانیگه ایگهمیز. چونکه یورتیمیزده بوگونگی کونده نامی تیلگه آلینگن ساحهده ییترلی کوچ موجود».-دیدی. قاپلان، خوفسیز و اوز ایشی نینگ استاسی بولگن تورک هیداوچیلری بیلن اوشبو طلبنی برطرف ایتیش طرفداری ایکنلیکلرینی قید ایتدی.
خبرتورک گزیته سی: 9 آیده 2 میلیارد 15 میلیون دالرلیک ینگی میوه و سبزهوات صادر قیلیندی سرلوحه سی بیلن خبر بیردی.
خبرگه کوره تورکيه نینگ بو ییل نینگ 9 آییدهگی 2 میلیارد 15 میلیون دالرلیک ینگی میوه و سبزهوات صادراتی نینگ 31 فایزی روسيهگه یولگه قوییلدی و اوندن 442 مینگ دالر درآمد آلیندی.
صباح گزیتهسی: « تورک هوا یوللری خادملری قویاش کریمی آرقهلی انسانلر حیاتینی قوتقرماقده.» سرلوحهسی بیلن خبر بیردی.
خبرگه کوره، تورک هوا یوللری کابینه خادملری بیلن اوچووچیلری اورتهسیده تشکیل ایتیلگن «یخشیلیک دوستلری» گروهی سنگال پایتختی دکارده قویاشدن یشیریلگن البینیزم کسللیگیگه چلینگن بالهلر دردیگه، قویاش کریملری آرقهلی درمان بولماقده.