تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته‌سی: «ایردوغاندن تورکواک پیامی: قطار تولیدگه باشله یمیز» سرلوحه‌سی بیلن خبر بیردی.
خبرگه کوره، جمهور باشلیغی رجب طیب ایردوغان گلوبال کوید-19 جلسه سیگه ویدیو پیامی جونتدی. "ییره گن ملی ایملش پروگرامیمیز بیلن 18 یاشدن کتته نفوسیمیزده ایککینچی دوز ایملشده 70 فایزگه ییتیب باردیک. عین دمده تورکواک و ایریم وطنی ایملش کاندیدلریمیزنی اینگ قیسقه مدتده قطار تولیدگه باشلب برچه انسانیت گه تقدیم ایتیشنی تعهد ایته میز" دیدی.
خبر تورک گزیته‌سی: «جمهور باشلیغی ایردوغان بیلن بایدن روماده اوچره شه دی» سرلوحه‌سی بیلن خبر بیردی.
خبرگه کوره جمهور باشلیغی رجب طیب ایردوغان 30-31 آکتوبر تاریخلریده ایتالیانینگ پایتختی روماده اویوشتیریله دیگن جی-20 رهبرلر جلسه سیده امریکا قوشمه ایالتلری جو بایدن بیلن یوزمه یوز ملاقات قیله دی.
یینی شفق گزیته‌سی: « دنیا قوراللریمیز اوچون قطار بولدی» سرلوحه‌سی بیلن خبر بیردی.
خبرگه کوره، راکتسان باش مدیری مراد ایککینچی تورکیه نینگ ملی امکانیتلر بیلن ایشلب چیقرگن محصوللرینی الیش اوچون انچه اولکه نینگ قطار بولیب تورگن لیگینی ایتدی. ایککینچی "قوراللریمیزنینگ ساحه ده گی موفقیتی اولکه لردن کیلگن علاقه نی کوپه یتیرماقده. تورکیه نینگ مدافعه صنایعی بازاریده گی حصه سی اوسیب بارماقده" دیدی.
ستار گزیته‌سی: افریقاده تورک موفقیتی سرلوحه سی بیلن خبر بیردی.
کامرون نینگ اقتصاد پایتختی دوئولاده تورک ساختمان شرکتلری تامانیدن قوریلگن دوئولا جپومه استدیومی فوتبال علاقه منلرینی خرسند قیلدی. FIFA, CAF (افریقا فوتبال کونفدراسیونی) و کامرونلیک ییتکچیلرنینگ دواملی مقته گن لیگینی تیلگه الگن ساختمان شرکتی نینگ افریقا پروزه لر مدیری تحسین طوفان سرجان "کامرونلیکلر تورک مهندسلری نینگ نیمه لر قیلیش گه قادر ایکن لیگینی کوردی" دیدی.
صباح گزیته‌سی: ستندرد و پورسدن تورکیه بیلن تیگیشلی اوسیش تخمینی سرلوحه سی بیلن خبر بیردی.
خلق ارا کریدیت درجه لنتیرووچی موسسه سی ستندرد و پورس تورکیه گه قره ته 2021 ییلی اوچون اقتصادی اوسیش تخمینینی 6،1 فایزدن 8،6 فایزگه کوتردی.
