تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیتهسی: «وزیر چاووش اوغلیدن کابل قونلغه سی حقیده بیانات» سرلوحهسی بیلن خبر بیردی.
خبرگه کوره، تورکيه تشقی ایشلر وزیری مولود چاووش اوغلی طالبان و بعضی دولتلردن کابل قونلغه سی فعالیتینی دوام ایتتیریش بوییچه همکارلیک خصوصیده تورکيهگه تکلیفلر کیلگنینی معلوم قیلدی. «بولر نینگ برچهسینی محاکمه قیلیهبمیز. برچه نینگ ایشانچینی آقلهیدیگن شکلده خوفسیزلیکنی تأمینلش ضرور. بونی طالبان وکیللریگه بیلدیردیک»،-دیب ایتگن.
صباح گزیتهسی: «عمر چیلیک کوچ تولقینیگه قرشی خلقارا همجمعیتنی آگاهلنتیردی» سرلوحهسی بیلن خبر بیردی.
خبرگه کوره، عدالت و ترقیات حزبی سوزچیسی عمر چیلیک توناون افغانستاندهگی سونگگی وضعیتگه توختهلیب، ینگی قاچقینلر آقیمیگه قرشی خلقارا همجمعیتنی آگاهلنتیردی. اونینگ تأکیدلشیچه، تورکيه بیرته قاچقیننی هم قبول قیله آلمهیدی.
ستار گزیتهسی: «تخنیکي یاردم خصوصیده تورکيه بیلن همکارلیک قیلیهبمیز» سرلوحهسی بیلن خبر بیردی.
خبرگه کوره، قطر تشقی ایشلر وزیری شَیخ محمد بن عبدالرحمان آل ثانی «کابل قونلغه سینی قَیته آچیش اوچون تورکيه بیلن همکارلیک قیلیهبمیز»،-دیدی.
یینی شفق گزیتهسی: «صادرات کورسهتگیچلری اعلان قیلیندی» سرلوحهسی بیلن خبر بیردی.
خبرگه کوره، تورکيه سودا وزیری محمد موش اگست آییده صادرات کورسهتگیچلری اوتگن ییل نینگ خوددی شو دوریگه نسبتاً تخمیناً 52 فایزگه اوسیب، 18.9 میلیارد دالرگه ییتگنلیگینی معلوم قیلدی. «اوشبو کورسهتگیچ بیلن اگست آییده اینگ یوقاری نتیجهگه ایریشدیک. قالهویرسه، آخرگی 12 آیلیک صادرات بوییچه نتیجهلر هم 207.5 میلیارد دالر کورسهتگیچ بیلن جمهوریت تاریخیده ینگی ریکاردنی قولگه کیریتدی»،-دیب ایتگن تورکيه سودا وزیری.
خبر تورک گزیتهسی: «قوش آداسی بندریگه 16 آی آرهدن سونگ کرویز کیمهسی لنگر تشلهدی» سرلوحهسی بیلن خبر بیردی.
خبرگه کوره، کروناویروس پاندیميسی طفیلی فعالیتی توخته تیلگن آیدین ولایتیدهگی قوش آداسی بندری موسم نینگ بیرینچی کرویز کیمهسینی کوتیب آلدی. بهاميا بیراغی آسیلگن «بلوی سپپهیری» - ماوي صفیر کیمهسیدهگی اکثریتی روسلردن عبارت 450 نفر سیاح فولکلور رقص نمایشلری بیلن کوتیب آلیندی.