تورکیه نینگ مطبوعات خلاصه لری

یینی شفق گزیته سی: آق حزب سوزچیسی عمر چیلیک اناستاسیئادیس گه عکس العمل کورستدی: بو حرمتسیزلیک نی قیته ریب یوباره میز سرلوحه سی بیلن خبر بیردی.

عدالت و ترقیات حزبی سوزچیسی عمر چیلیک قبرس روم باشقرووی رهبری نیکوس اناستاسیادیس نینگ تورکیه نی آماج قرار بیریب ایتگنلری بیلن تیگیشلی اوله راق "تورکیه جمهوریتی گه، ملتیمیزگه قیلگن بو حرمتسیزلیک نی قیته ریب یوباره میز" دیدی. چیلیک، "روم باشقرووی نینگ اروپا بیرلیگی نی اویینچاق وضعیتی گه ایلنتیریشی اروپا بیرلیگی تامانیدن قبول قیلینگن بولسه اولرگه مبارک بولسین" دیب فاده ایتدی.

حریت گزیته سی: شمالی قبرس تورک جمهوریتی جمهور باشلیغی ایرسین تاتاردن روم رهبری اناستاسیئادیس گه قتّیق جواب سرلوحه سی بیلن خبر بیردی.

شمالی قبرس تورک جمهوریتی جمهور باشلیغی ایرسین تاتار ژنوده 27-29 اپریل ده بولیب اوتگن غیر رسمی 5+ بیرلشگن ملتلر تشکیلاتی جلسه سیده تقدیم ایتگن تینگ حاکم ایککی دولت نینگ همکارلیگی گه تیانگن ییچیم تکلیفینی "حرمتسیزلیک" دیب اته گن قبرس روم رهبری اناستاسیئادیس گه " آیینه گه قره شی و حرمتسیزنینگ کیم ایکن لیگینی کوریشی" نی تکلیف قیلدی.

صباح گزیته سی: ولقان-م حرکتلی تانک اوق اوزیش تعلیملری یوتوقلی اوتکزیلدی سرلوحه سی بیلن خبر بیردی.

حربی الکترونیک صنایع عسلسان نینگ ولقان- م اوق اوزیش کنترول تیزیمی نینگ تیستلری م 60 ت م تانکی آرقه لی عملگه آشیریلدی. جمهور رئیسلیک مدافعه صنایع باشلیغی اسماعیل دیمیر تویتر آردرسیدن تویت ترقه تدی. تورک قوراللی کوچلری دایره سیده گی م 60 ت م تانکلری نینگ بیر تاماندن رواجلنتیریش بیر تاماندن تجهیزاتلری نینگ ملی لشتیریش نی عملگه آشیرگن لیکلرینی افاده ایتدی.

وطن گزیته سی: اینگ کوپ صادرات اوتوموتیف سکتوریده بولدی سرلوحه سی بیلن خبر بیردی.

اتوموتیف سکتوری اپریل آییده 2 میلیارد 465 میلیون 647 مینگ دالر بیلن اینگ کوپ صادرات قیلگن سکتور بولدی. اپریل ده اینگ کوپ صادرات بولگن 3 اولکه 1 میلیارد 654 میلیون دالر بیلن آلمان، 1 میلیارد 182 میلیون دالر بیلن امریکا قوشمه ایالتلری و 1 میلیارد 33 میلیون دالر بیلن بیرلشگن قراللیک بولدی.

ستار گزیته سی: تنیقلی هزیلچی ایردوغانگه نامه جونتدی سرلوحه سی بیلن خبر بیردی.

فرانسیز هزیلچی دیئوننی ایمبالا جمهور باشلیغی رجب طیب ایردوغان گه نامه جونتیب سیاسی باش پناه طلب ایتدی. ایمبالا نامه سیده اسرائیل نینگ فلسطین توپراقلرینی اشغال ایتیب آلیشینی قاره له گن بیر نمایش نینگ آرتیدن 20 ییلدن بیری قاره لش، تحریک و تبعیض گه دوچ قالگن لیگینی قید ایتدی.