تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: اوکراین جمهور باشلیغی زیلینسکي تورکيهگه سفر اویوشتیره دی سرلوحه سی بیلن خبر بیردی.
اوکراین - روسیه چیگرهسیدهگی بحران دوام ایتر ایکن اوکراین جمهور باشلیغی ولادیمیر زیلینسکي 10 - اپریل کونی تورکيهگه سفر اویوشتیره دی. عالي درجهلی ستراتیژیک همکارلیک کینگشی دایرهسیده یولگه قوییلهدیگن سفر اساسیده اوکراینه لیدری جمهور باشلیغی رجب طیب ایردوغان بیلن اوچرهشهدی.
حریت گزیتهسی: خزینهچیلیک و مالیه وزیری ایلوان ج - 20 وزیرلر ییغیلیشیده اشتراک ایتدی سرلوحه سی بیلن خبر بیردی.
خزینهچیلیک و مالیه وزیری لطفی ایلوان ج - 20 وزیرلر ییغیلیشیده اشتراک ایتگنینی قید ایتگن حالده، «گلوبال تیکلنیشده رواجلنهیاتگن دولتلر کوچیگه توختهلدیک. کم درآمدلی مملکتلرنی قوللب - قوّتلشگه قرهتیلگن عملی قدملر اوستیده قرارلر قبول قیلدیک». - دیگن افادهلرگه اورین بیردی.
ستار گزیتهسی: Frankfurter Allgemeine Zeitung: تورکيه نینگ اتوموبیلی تیسله، والکس واگین و باشقه رقیبلری بیلن کوچ سینهشهدی سرلوحه سی بیلن خبر بیردی.
جرمني نینگ کوندهلیک گزیتهلریدن Frankfurter Allgemeine Zeitung اورین آلگن خبرده، تورکيه نینگ تاگگ اتوموبیل شرکتی ایشلب چیقرهدیگن برقلی اتوموبیل نینگ بیرته چارج آرقهلی 500 کیلومتردن اوزاققه باریشنی و «عقللی» بولیشنی کفالتگه آلیب تیسله، والکسواگین و باشقه رقیبلری بیلن کوچ سینهشیشی قید ایتیلدی.
وطن گزیتهسی: قاره اسماعیل اوغلی معلوم قیلدی: «می آیی نینگ بیرینچی هفتهسی..» سرلوحه سی بیلن خبر بیردی.
ترانسپورت و زیربنا توزیلمه وزیری عادل قاره اسماعیل اوغلی «تورکسات 5آ، می آیی نینگ بیرینچی هفتهسیده 31 درجه شرقي اوربیتهگه ییتیب بارهدی. تورکسات 5ب خبرلشیش صنعي یولداشیمیزنی ایسه بو ییل نینگ تورتینچی چارهگیده فضاگه اوچیرهمیز». - دیدی.
صباح گزیتهسی: بو ییل نینگ ایلک اوچ آییده 18 میلیون یولاوچیگه خدمت قیلیندی سرلوحه سی بیلن خبر بیردی.
کروناویروس پاندیميسی جریانیده هر قندهی چاره و تدبیر کوریلگن تورکيه نینگ قونلغه لریده ییل نینگ ایلک اوچ آییده 18 میلیونگه یقین یولاوچیگه خدمت قیلینر ایکن توپلم 238 مینگ 448 اوچاق قتناوی یولگه قوییلدی.