تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیته‌سی: ایردوغا‌ندن مانتری حقیده بیانات سرلوحه سی بیلن خبر بیردی.
جمهور باشلیغی رجب طیب ایردوغان 1936 - ییلگی مانتری بوغزلر کیلیشووی نینگ تورکيه‌گه قوشگن حصه‌لریگه علیحده اهمیت بیرگنلیکلری و ینه - ده یخشیراق امکان تاپیلگونگه قدَر بو شرطنامه‌گه صادق قالیشلرینی قید ایتدی. ایردوغان، کیله‌جکده احتیاج توغیلگودیک بولسه اونده مملکتنی ینه - ده یخشیراققه ایریشتیریش مقصدیده هر بیر کیلیشوونی کوریب چیقیشدن چیکینمسلیکلرینی هم اوز سوزیگه علاوه ایتدی.
ستار گزیته‌سی: ایردوغان ایکّی لیدر بیلن تیلفون آرقه‌لی صحبت قیلدی سرلوحه سی بیلن خبر بیردی.
جمهور باشلیغی ایردوغان کوزوو نینگ ینگی جمهور باشلیغیی ایتیب سیلنگن واسه عثما‌نی - صدریو بیلن تیلفون آرقه‌لی صحبت قیلیب، تبریکلرینی ییتکزدی. تورک خلقی نینگ ینگی حکومت نینگ تشکیل تاپیشی و جمهور باشلیغی سیلش جریانیده‌گی صمیمی مناسبتیگه اعتبار قره‌تگن ایردوغان، ایکّله مملکت اورته‌سیده‌گی تاریخي دوستلیک و قرداشلیک مناسبتلری نینگ ینگی دورده هم مستحکملنیشیگه ایشانچی کامل ایکنینی تأکیدله‌دی. ایردوغان نینگ قطر امیری آلثاني بیلن بولگن تیلفون آرقه‌لی صحبتیده هم اوزارا و منطقوي مسأله‌لر قولگه آلیندی.
یینی شفق گزیته‌سی: تورکيه روسیه بیلن فضا مسأله‌سی اوستیدن شرطنامه توزیشی ممکن. تورکيه فضا آژانسی ییتکچیسی حسین ییلدیریم، روسیه بیلن فضا ساحه‌سیده همکارلیک شرطنامه‌سیگه یقینده قول قوییلیشی ممکنلیگینی قید ایتدی. ییلدیریم، «ملي مقصدلریمیز اساسیده بیز بیلگیلب آلگن مملکتلر و خلق‌ارا تشکیلاتلر بیلن علاقه اورنه‌تیه‌پمیز. روسیه هم داخل دنیاننیگ بیر نیچه دولتی بیلن همکارلیک مسأله‌سیده فعالیت آلیب بارماقده‌میز و یقینده، شرطنامه‌لرگه قول قوییشنی ریجه‌لشتیریه‌پمیز». - دیگن افاده‌لرگه ا‌ورین بیردی.
وطن گزیته‌سی: تورکيه بیلن آذربایجان اورته‌سیده ینگی همکارلیک سرلوحه سی بیلن خبر بیردی.
ویزه‌سیز تیزیم کوچگه کیرگن تورکيه بیلن آذربایجان اورته‌سیده ینگی شرطنامه یولگه قوییلماقده. قول قوییلگن کیلیشوو آرقه‌لی ساغلیکنی سقلش ترماغی باش بولیش بیلن بیرگه اورتاق توریزم پلاتفورمی تشکیل ایتیله‌دی. بو شرطنامه ایکّله مملکت اورته‌سیده‌گی تشریفلر سانینی جدّي روشده آرتتیره‌دی.
صباح گزیته‌سی: قوراللی اوچووچیسیز هوا واسطه‌لریدن کیین نوبت اوچووچیسیز اوروش اوچاغیده سرلوحه سی بیلن خبر بیردی.
تورکيه‌دن تشقریده اویوشتیریلگن عملیاتلرده کتّه رول اوینه‌گن، آخرگی مراتبه آذربایجان نینگ تاغلی قاره‌باغ غلبه‌سیده ارمنستان قوشینیگه آغیر ضربه بیرگن تورک قوراللی اوچووچیسیز هوا واسطه‌لری اختراعچیسی سلجوق بیراقدار ینگی پروژه حقیده معلومات بیردی. بیراقدار اونده، اوچووچیسیز اوروش اوچاقلری نینگ ایشلب چیقریلیشی اوچون هم فعالیتلرنینگ دوام ایتگنینی قید ایتدی.
