تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیته‌سی: بیتلیسدن قیغولی خبر کیلدی سرلوحه سی بیلن خبر بیردی.
ملي مدافعه وزیرلیگی توناون بینگولدن تاتوان گه قره‌ب یول آلگن قوریقلیک کوچلریگه عاید کوگر روسومیده‌گی تیک اوچرنینگ هلاکتگه اوچره‌گنی حقیده معلومات ترقه‌تدی. تیک اوچرده‌گی 11 عسکر شهید بولدی، 2 عسکر ایسه تن جراحتی آلدی. جمهور باشلیغی رجب طیب ایردوغان واقعه حقیده ملي مدافعه وزیری خلوصی آقردن معلومات آلدی. ایردوغان، شهیدلرگه اللّه دن رحمت، عایله‌لری و تورک قوراللی کوچلریگه تعزیه اظهار ایتیب، تن جراحتی آلگن عسکرلرگه شَفا تیله‌دی.
خبر تورک گزیته‌سی: جمهور باشلیغی ایردوغاندن بیاناتلر سرلوحه سی بیلن خبر بیردی. جمهور باشلیغی رجب طیب ایردوغان توناون اقتصادي همکارلیک ییغیلیشی 14 - لیدرلر جلسه سیده سوزله‌گن نطقیده، گلوبال فلاکتگه ایلنگن ینگی تور کروناویروس پاندیميسی گه قرشی کوره‌ش نینگ کوچلی هم‌جهتلیک آرقه‌لی یینگیب اوتیلیشی ممکنلیگینی قید ایتدی. ایردوغان شونینگدیک، ایرانگه کیریتیلگن بیر تامانلی چیکلاولرنینگ توخته‌تیلیشی نینگ، منطقه فراوانلیگیگه ایجابي حصه قوشیشینی افاده ایتدی.
ستار گزیته‌سی: چنگنی ملي زره‌گه ایلنتیرماقده‌لر سرلوحه سی بیلن خبر بیردی.
تورکيه سناقلی دولتلر قطاریگه کیردی. تورک مدافعه صنایعی شرکتی نورول تکنالوجی، چنگنی ملي زره‌گه ایلنتیرماقده. ایشلب چیقریلگن بار کربیدلی پلیت‌لر یاردمیده تورکيه اوز نامینی شو ترماقده دنیاده‌گی سناقلی دولتلر قطاریگه قید ایتتیردی. تخنیکي پلیت‌لر، کمپوزیت تکه لر بیلن فایده‌لنیلگن حالده ینه - ده یوقاری حمایه قیلیش سویه‌لریگه ایگه یینگیل زره توزیلیشلرینی قولگه قیریتیش کوچیگه ایگه.
حریت گزیته‌سی: دَم آلیش اوچون تنله‌گن مکانلری اوزگرمه‌دی سرلوحه سی بیلن خبر بیردی.
چیکلاولر بیکار قیلیندی، تورکيه‌گه بولگن طلب آرتدی. روسيه تور اپیره‌تورلری بیرلیگی تورکيه‌ده کوید - 19 پاندیميسی گه قرشی یولگه قوییلگن چیکلاولرنینگ بیکار قیلینیشی بیلن روس فقرالرنینگ دَم آلیش اوچون تکرار تورکيه‌نی تنله‌گنلیکلرینی بیلدیردی. اوّلراق انگیلیزلرنینگ هم بو ییل دَم آلیش اوچون اینگ کوپ تنله‌گن دولتلردن بیری تورکيه ایکنی معلوم قیلینگندی.
وطن گزیته‌سی: انادولو ایفیسنی مغلوب قیلیش امکانسیز حالگه ایلندی سرلوحه سی بیلن خبر بیردی.
باسکیتبال تورک هوا یول اروپا لیگی 27 - هفته‌سیده انادولو ایفیس، اوز ساحه‌سیده اسپانیا جماعه‌سی والینسیه باسکیتنی 99 - 83 حسابیگه مغلوب قیلدی. بو نتیجه آرقه‌لی انه‌دولو ایفیس، مسابقه‌ده‌گی 16 - غالبیتینی قولگه کیریتدی. ولینیه ایسه 13 - مغلوبیتینی قید ایتدی.
