تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیته سی: چاووش اوغلی «مصر بیلن دینگیز حقوقی بوییچه مذاکره اوتکزیشیمیز ممکن» سرلوحه‌سی بیلن خبر بیردی.
خبرده یازیلیشیچه، تورکيه تشقی ایشلر وزیری مولود چاووش اوغلی شرقي اورته ییر دینگیزیده آلیب باریله‌یاتگن دینگیز حقوقی بوییچه مذاکره‌لرنینگ جریانیگه کوره، مصر بیلن هم مذاکره اوتکزیلیشی ممکنلیگینی بیلدیردی. «کیلگوسیده اوزارا کیلیشوو امضالشیمیز ممکن»،-دیب ایتدی.
وطن گزیته‌سی: «بو هفته شمالي قبرس تورک جمهوریتیگه ینه 20 مینگ دوزه و‌کسین یوباره‌میز» سرلوحه‌سی بیلن خبر بیردی.
خبرگه کوره، تورکيه جمهور رئیس اورینباسری فواد اوکتا‌ی توناون شمالي قبرس تورک جمهوریتی باش وزیری ایرسین سنیر بیلن اوچره‌شدی. «بو هفته شمالي قبرس تورک جمهوریتیگه ینه 20 مینگ دوز و‌کسین یوباره‌میز. نتیجه‌ده، مملکتگه توپلم 100 مینگ دوز و‌کسین یوبارگن بوله‌میز»،-دیدی.
ستار گزیته‌سی: «ترور تشکیلاتی پ ک ک گه کوز آچدیرمه‌یمیز: 126 جنگری یوق قیلیندی» سرلوحه‌سی بیلن خبر بیردی.
خبرگه کوره، تورکيه خوفسیزلیک کوچلری ترور تشکیلاتی پ ک ک و ی پ گ گه قرشی اوپراسیون‌نی موفقیتلی آلیب بارماقده. جاري ییل نینگ فبروری آییده ترور تشکیلاتیگه قرشی آلیب باریلگن حربي عملیاتلرده 126 جنگری یوق قیلیندی.
صباح گزیته‌سی: «تورک زره‌لی واسطه‌سی کوبر 2 ینگی وریانتی بیلن اینگ خوفلی خدمتلرگه تیار» سرلوحه‌سی بیلن خبر بیردی.
خبرگه کوره، تورک مدافعه صنایعی نینگ زره‌لی واسطه‌لرنی ایشلب چیقره‌دیگن آتاکر کمپنیسی، کوبر 2 واسطه‌لریگه ماینگه قرشی چیدملیلیک خصوصیتینی علاوه قیلدی. کوبرا 2 4+4 زره‌لی واسطه‌لر تورکومی تورکيه و دنیاده 15 مملکتده قوللنیله‌یاتگن کوبرا واسطه‌لری نینگ ینگی مودلی صفتیده لایحه‌لشتیریلدی.
حریت گزیته‌سی: «اوستا صنعتکار بولینت ایوجیل ایتاليا نینگ مشهور «فلاوت» مجله سی نینگ باش صحیفه سیده ا‌ورین آلدی» سرلوحه‌سی بیلن خبر بیردی.
خبرگه کوره، استا‌نبول دولت سینفوني آرکستری رهبری و نَی صنعتی اوستا‌سی بولینت ایوجیل ایتاليا نینگ تنیقلی صنعت مجله سی «فلاوت» نینگ باش بیتیده نمایش قیلیندی. مجله ده دنیاگه مشهور نَی صنعتکاری دیب تنیتیلگن بولینت ایوجیل نینگ مخصوص بینلتی گه هم ا‌ورین بیریلگن. شونینگدیک، اونینگ برازیل، امریکا، ایتاليا و باشقه تورلی مملکتلرده‌گی کنسرت دستورلریگه اعتبار قره‌تیلیب، سزاوار بولگن مکافاتلری و موفقیتی حقیده سوز یوریتیلدی.
