تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیته‌سی: «امریکا قوشمه ایالتلری ایرانگه چیکلاو بیریشدن واز کیچیشی کیره‌ک» سرلوحه‌سی بیلن خبر بیردی.
خبرگه کوره، تورکيه جمهور باشلیغی رجب طیب ایردوغا‌ن ایران جمهور باشلیغی حسن روحاني بیلن تیلفون آرقه‌لی ملاقات قیلدی. ایردوغا‌ن صحبت چاغیده امریکا قوشمه ایالتلری نینگ ینگی حکومتی ایرانگه قرشی بیر تمانلمه چیکلاولردن واز کیچیب، ایران خلقی فراوانلیگی آلدیده‌گی ناحق توسیقلرنی آلیب تشلشیدن امیدوارلیگینی تیلگه آلدی.
صباح گزیته‌سی: «فخرالدین التون: پ ک ک نینگ قتل عاملرینی اونوتمه‌یمیز» سرلوحه‌سی بیلن خبر بیردی.
خبرگه کوره،تورکيه جمهور باشلیغی مأموریتی نینگ کمونیکاسیون‌لر بوییچه دیپارتمنتی رهبری فخرالدین التون تویتر آرقه‌لی عراق نینگ غارا حدودیده‌گی پ ک ک قتل عاملری حقیده ویدیو تصویر نمایش قیلدی.
«قولی قانگه بولنگن پ ک ک ترور تشکیلاتی 1984 ییلدن بویان تورکيه‌ده عیاللر، باله‌لر و کیکسه‌لر دیمسدن قتل عام صادر ایتیب کیلماقده. بعضیلری بونی کورمسلیککه آلسه-ده پ ک ک نینگ قتل عاملرینی اونوتمه‌دیک و اونوتمه‌یمیز!»،-دیب یازه‌دی صحیفه‌سیده.
وطن گزیته‌سی: «روسیه‌دن تورکيه بیلن همکارلیکده س-400 تیزیملرینی ایشلب چیقریش بوییچه بیانات» سرلوحه‌سی بیلن خبر بیردی.
خبرگه کوره، روسیه فدرا‌ل حربي-تخنیکي همکارلیک خدمتی رهبری اورین‌باسری الیکسیی فرالکین س-400 هوا مدافعه تیزیملرینی تورکيه بیلن همکارلیکده ایشلب چیقریش بوییچه بیانات بیردی. فرالکین تورکيه بیلن حربي-تخنیکي همکارلیک بوییچه مذاکره‌لرنینگ دوام ایتگنلیگینی معلوم قیلدی.
حریت گزیته‌سی: «تورکيه‌گه توغریدن خارجلیک سرمایه کیریتووچیلر نینگ جلب قیلینیشی کوتیلماقده» سرلوحه‌سی بیلن خبر بیردی.
خبرگه کوره، تورکيه‌ده اقتصاد و حقوق ساحه‌سیده‌گی اصلاحاتلرنینگ توغریدن سرمایه کیریتیشلرینی جدللشتیریش کوتیلر ایکن، بو جریانده خارجلیکلرنینگ اتوموبیل، اوی اشیالری، پروزه دستوري تأمیناتی و لوجیستیک سکتورلریگه قیزیقیش تاباره آرتیب بارماقده. سرمایه کیریتووچیلرنینگ تورکيه‌گه اعتبار کورسه‌تیشی نینگ اساسي سببلریدن بیری فایده قیلینه‌دیگن محیط، صفتلی ایشچی کوچی، سرمایه کیریتیش محیطی نینگ جاذبه‌دارلیگی و لوجیستیک بوییچه شرایطلر صفتیده کوزگه تشلنماقده.
ستار گزیته سی: برچه سی بیودیزل بیلن ایشله یاتگن دستلبکی جنراتور تورکیه ده ایشلب چیقریلدی سرلوحه سی بیلن خبر بیردی.
استانبولده گی ارکن جنراتور دنیانینگ بوتونله ی بیودیزل بیلن ایشله یاتگن جنراتور ایشلب چیقردی. بیودیزل جنراتور، حیوانی و اوسیملیک چیقیندیلر عبارت دیزل نینگ قیته دن آلیش گه تیانه دی. 100 فایز بیودیزل آرقه لی ایشله یدی.
