تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیتهسی: «عملیات کینگه ییب دوام ایتهدی» سرلوحهسی بیلن خبر بیردی.
خبرده یازیلیشیچه، تورکيه جمهور باشلیغی رجب طیب ایردوغان عراق نینگ غارا حدودیده پ ک ک ترور تشکیلاتیگه قرشی آلیب باریلهیاتگن حربی عملیات میدانی ینه-ده کینگهیتیریلیشینی معلوم قیلدی. «جنگریلرگه کون بیرمهیمیز. جنگریلردن تازهلنگن حدودلرده کیرهک بولسه، خواهلهگنچه قالهمیز»، دیب ایتگن.
وطن گزیتهسی: «پ ک ک 1984 ییلدن بویان 6 مینگ 21 تینچ اهالی قتل عام قیلدی» سرلوحهسی بیلن خبر بیردی.
خبرگه کوره، تورکيه ملي مدافعه وزیری خلوصی آقر عراق شمالیده پ ک ک ترور تشکیلاتیگه قرشی حربی عملیات ینه-ده کوچهیتیریلگن حالده قطعي دوام ایتهیاتگنلیگینی معلوم قیلدی. ایچکی ایشلر وزیری سلیمان سویلو ایسه، پ ک ک ترور تشکیلاتی 1984 ییلدن شو کونگچه تینچ اهالیگه نسبتاً 60 مینگ 21ته قتل عام قیلگنلیگینی معلوم قیلیب، بو قتل عاملرگه کوز یومگنلرنی تنقید قیلدی.
یینی شفق گزیتهسی: «تینچ اهالینی حمایه قیلگن یگانه خلقارا کوچ تورک عسکری دیر» سرلوحهسی بیلن خبر بیردی.
خبرده یازیلیشیچه، امریکا قوشمه ایالتلری نینگ «نیو-یورک تایمز» گزیتهسیده چاپ ایتیلگن مقالهده تورکيه اوز وطنیدن اجرهلگن قریب 5 میلیون حمایهسیز تینچ اهالینی مدافعه قیلگن یگانه خلقارا کوچ ایکنلیگی قید ایتیلدی. شونینگدیک، مقالهده سوريهده بشار الاسد رژیمی نینگ قتل عاملریدن خلقنی اسرهگنلر فقطگینه تورک عسکری ایکنلیگی چاپ ایتیلدی.
ستار گزیتهسی: «ایرانلیک متخصصلر تورکيهگه اشاره قیلدی» سرلوحهسی بیلن خبر بیردی.
خبرگه کوره، امریکا قوشمه ایالتلری نینگ ایران بیلن هستوي کیلیشووگه قَیتیشی بوییچه ناانیقلیک دوام ایتر ایکن، ایرانلیک متخصصلر تهران-واشنگتن اورتهسیده اینگ منطقلی اورتهمچی دولتلر تورکيه، قطر، روسيه و ختای بولیشی ممکنلیگینی ایلگری سوردی. اینیقسه، تورکيه و قطر امریکا قوشمه ایالتلری و ایران بیلن یخشی علاقهلرگه ایگه بولیب عینِ وقتده ایرانگه نسبتاً چیکلاولرنی مناسب کورمه یدی.
حریت گزیته سی: جنید چقیر 21- عصرنینگ اینگ یخشی ایککینچی حکمی ایتیب سیلندی سرلوحه سی بیلن خبر بیردی.
خبرده یازیلیشیچه خلق ارا فوتبال تاریخی و استاتیستیکلری فدراسیونی 2001 – 2020 ییللرینی اوز ایچی گه آلگن باشقیچده گی اینگ یخشی حکملر رویخطینی ترقه تدی. شونده ی بولیب آلمان فلیکس بریش 140 نمره بیلن بیرینچی جنید چقیر 137 نمره بیلن ایککینچی اوریننی ایگلله دی. 137 نمره بیلن انگلیس هوارد اوچونچی بولدی. 1998 – 2003 ییلریده کیتمه کیت 6 مرته اینگ یخشی حکم ایتیب تنلنگن ایتالیالیک پیئر لوجی کولینا 94 نمره بیلن 11 – اوریننی آلدی.