تورکیه نینگ مطبوعات خلاصه لری

خبر تورک گزیته سی: جمهور باشلیغی ایردوغان تیل بیلن تیگیشلی پیام بیردی

جمهور باشلیغی رجب طیب ایردوغان جمهور رئیسلیک مجتمعیده اویوشتیریلگن مدنیت وزیرلیگی 2019-2020 مخصوص مکافاتلر مراسمیده گپیردی. تیلی گه صاحب چیقمه گن، تیلینی بای قیلیش گه اورونمه گن ملتلر، کوکی (ریشه) سی قوریگن یاغاچلر کبی شمال- طوفان بولگنده ییقیلیب کیته دی" دیب ایته دی ایردوغان جنابلری.

یینی شفق گزیته سی: قیزیل آی تامانیدن ادلبده قوریلگن اوی-جایلر تیار سرلوحه سی بیلن خبر بیرماقده.

سوریه ده هجوملردن بدرغه بولیب ادلب گه کوچیب بارگن و بو جاید قینچیلیک که دوچ قالگنلر اوچون قوریلگن بنالر اداغگه ییتماقده. تورک قیزیل آی نینگ سرمادا تومنی مشت روحین منطقه سیده توزگن 1228 اویدن 748 مسکن تیار وضعیت گه کیلدی. 1 ته اتاق، تشناب و توالت و آشخانه دن عبارت 39 متر مربع اویلر تورلی هوا وضعیتی گه تاب بیره دی.

حریت گزیته سی:  Türksat 5A نینگ یولچیلیگی ریجه لنگن شکلده دوام ایتماقده.

ترانسپورت و زیربنا وزیری عادل قاره اسماعیل اوغلی، Türksat 5A ماهواره سی نینگ آست تیزیم تیستلری نینگ بی ملال بولیب اوتگن لیگینی معلوم قیلیب "قریب 4 آی دوام ایته دیگن فضاگه باریش و ماهواره اوستیده گی عملیاتلری ریجه لنگن شکلده دوام ایتماقده" دیدی.

صباح گزیته سی: بیر قطار اولکه بیپ گه علاقه کورستماقده

تورکیه نینگ وطنی علاقه  پلاتفورمی بیپ نینگ چیت ایلده گی استفاده قیلووچی سانی 8 میلیون گه باردی. پلاتفورم مارکیتلریده اینگ کوپ ترجیح بولگنلر قطاریده تیزده یوقاری گه قره ب بارگن بیپ، بحرین، بنگلدیش، قطر، پاکستان، سعودی عربستان عمانده برچه رقیبلرینی کیینگه قالدیریب گول پلای ستورده بیرینچی اورینده توره دی.

ستار گزیته سی: تورکیه ده ایشلب چیقریلدی دنیانینگ تماغی گه تات بیردی

تورکیه نینگ مسله دیگ صادراتی 2020 ده آلدینگی ییل گه قره گنده 15 فایز آرتیب 201 میلیون 735 مینگ دالرگه ییتدی. مسله دیگ صادراتیده 29 میلیون 743 مینگ دالر بیلن امریکا قوشمه ایالتلری بیرینچی اورینده توره دی. بوندن کیین 22 میلیون 822 مینگ دالر بیلن آلمان و 8 میلیون 941 مینگ دالر بیلن چین کیله دی.