امیرخان متقی قوشنی 3 اولکه نینگ ترور تشکیلاتی داعش نی قوللب – قوتله گن لیگینی ادعا ایتدی

افغانستان اوتیش دوری حکومتی نینگ تشقی ایشلر وزیری اورینباسری امیرخان متقی، قوشنی 3 اولکه نینگ ترور تشکیلاتی داعش نینگ ظرفیتینی کوچه یتیرگن لیگینی ایتدی.

ملی ییتکرمه ده اورین آلگن خبرلرگه کوره، پایتخت کابل ده ایککینچی افغانستان – قزاقستان کورگزمه سی نینگ آچیلیشیده سوزگه چیققن متقی، اولکه ده یوزبیرگن ترورچیلیک هجوملریگه تیگیشلی بیانات بیردی.

متقی قوشنی اوچ اولکه نینگ افغانستان ده و منطقه ده ترور تشکیلاتی داعش نی قوللب – قوتله گن لیگینی ادعا ایتدی و بولردن بیرته سی نینگ ترور تشکیلاتی گه انسانی کوچ یاردم ایتگن لیگینی بیرته سی نینگ تعلیم بیرگن لیگینی ایریم بیرته سی نینگ ایسه لوجستیک تامین ایتیب بیرگن لیگینی تیلگه آلدی.

اولکه ده قول اوریلگن 10 ته ترورچیلیک هجومی نینگ "افغانستان نینگ تشقریسیده" ریجه لنگن لیگینی ادعا ایتگن متقی بو اولکه لردن اولرگه ضرر بیریشدن وازکیچیشلری بوییچه چقیریق قیلدی.

امیرخان متقی اوشبو اولکه لرنینگ آتلرینی بیرمه دی بیراق افغانستان ییتکرمه لریده تاجکستان، پاکستان و ایران نینگ قصد ایتگن لیگی ادعا ایتیلماقده.

متقی نینگ تاجکستان نی ترور تشکیلاتی گه انسانی کوچ تامین ایتیب بیریش بیلن، پاکستان نی تعلیم بیریش بیلن و ایران نی ایسه لوجستیک تامین ایتیب بیریش بیلن عیبله گن لیگی ادعا ایتیلدی.