بدخشان ده اویوشتیریلگن هجوم نینگ مسؤلیتینی ترور تشکیلاتی داعش اوز بوینی گه آلدی
اوشبو هجوم عاقبتیده بدخشان والیسی اورینباسری حیاتینی یوقاتگندی
افغانستان نینگ بدخشان ولایتیده طالبان تامانیدن والی اورینباسری ایتیب تعیینلنگن مولوی نثار احمد احمدی نینگ سوئ قصد آرقه لی اولدیریلیشی نینگ مسؤلیتینی ترور تشکیلاتی داعش نینگ اوز بوینی گه آلگن لیگی بیلدیریلدی.
ترور تشکیلاتی داعش اجتماعی ترماق آرقه لی بیرگن بیاناتده توناون کونی ایرته لب اویوشتیریلگن هجوم نینگ مسؤلیتینی بوینی گه آلدی.
بدخشان ولایتی نینگ مرکزی فیض آباد شهر میدانیده بدخشان ولایتی والیسی اورینباسری مولوی نثار احمد احمدی خودکش هجومی آرقه لی هدف آلینیب اولدیریلگندی.
ینه افغانستان نینگ شمالیده جایلشگن بلخ ولایتی والیسی محمد داود مزمل مسؤلیتینی داعش اوز بوینی گه آلگن 9 مارچ تاریخیده گی هجوم عاقبتیده حیاتینی یوقاتگندی.
طالبان نینگ 2021 ییلی اگست آییده افغانستان باشقرووینی قولگه کیریتیب آلیشی نینگ آرتیدن داعش طالبان منسوبلری قاله ویرسه تینچ اهالی گه قره ته هجوملرنی کوپه یتیرگندی.
