امریکا قوشمه ایالتلری طالبان ییتکچیلریگه ویزه چیکلاوی کیریتدی

امریکا قوشمه ایالتلری افغانستانده خاتین – قیزلر اوچون کیریتیلگن چیکلاولرگه جواب اوله راق طالبان اوتیش دوری حکومتی گه قوشیمچه ویزه چیکلاوی عملی قیلینیشیدن خبر بیردی.

تشقی ایشلر وزیری انتونی بلینکن طالبان باشقرووی تامانیدن خاتین – قیزلر اوچون کیریتیلگن باسیم، خشونت و چیکلاولرگه جواب بیره جکلرینی ایتدی.

افغانستانده خاتین – قیزلرگه قره ته آلیب باریلگن باسیم سیاستی بیلن خشونتدن جوابگر و جرم گه شریک بولگن دیب تاپیلگن طالبان نینگ حاضرگی و سابق اعضالری قاله ویرسه دولتدن تشقری خوفسیزلیک گروهلری نینگ اعضالری و ایریم کیشیلرگه قوشیمچه ویزه چیکلاوی عملی قیلینیشی اوچون حرکت گه اوتگن لیکلرینی بیلدیردی.

بلینکن "بوکبی کیشیلرنینگ یقین عایله اعضالری هم بو ویزه چیکلاوی گه کیریتیلیشی ممکن" دیدی.

بلینکن طالبان نینگ قرارلری بیلن افغانستان خلقی نینگ برقرارلیگینی ینه بیر مرته یوق قیلگن لیگینی معلوم قیلیب طالبان نینگ یانداشووی نینگ 1 میلیوندن آرتیق مکتب چاغیده گی قیز باله لرینی و یاش خاتین – قیزلرنی تعلیمدن محروم قیلیب تشله گن لیگینی شونده ی بولیب انچه خاتین – قیزنینگ تعلیم و ایش حیاتیدن اوزاق قالگن لیگینی قید ایتدی.

طالبان نینگ حرکتلرینی قتّیق افاده لر بیلن قاره له گن لیکلرینی قید ایتگن بلینکن اولکه سی نینگ خاتین – قیزلر و باله لر بیلن بیر قطارده برچه افغانستان خلقی نینگ انسان حقلرینی و اساسی ایرکینلیکلرینی تغریب ایتیش اوچون قولیدن کیلگنینی قیلیش گه قرار قیلگنینی تیلگه آلدی.

طالبان 2021 ییلی 15 اگستده باشقروونی قولگه کیریتیب آلیشی نینگ آرتیدن خاتین و قیز باله لرنی تعلیم قاله ویرسه انچه حقدن محروم قالگن وضعیتده...

شونده ی بولیب طالبان باشقرووی دسامبر آییده قیز اوقیووچیلرنینگ عالی تحصیل آلیش جریانینی ایککینچی بویوق گچه توخته تیب قوییلگن لیگینی بیلدیرگندی.