افغانستانده هوا ساووقلیگی طفیلی یوزلب کیشی حیاتینی یوقاتدی

افغانستانده سونگّی ایککی هفته ده آرتیب کیتگن هوا ساووق لیگی سببلی حیاتی نی یوقاتگن لر سانی 157 نفر گه ییتدی. 

اولکه ده ساووقلیک اینیقسه پایتخت کابلده صفر درجه نینگ آستیده 10- درجه گه توشگن وضعیتده، بعضی بیر منطقه لرده ایسه -30 درجه گه ییتگن.

طالبان اوتیش دوری حکومتی نینگ طبیعی آفت لر بوییچه وزیرلیگی سوزچیسی شفیع الله رحیمی موضوع بوییچه مطبوعاتگه بیانات بیردی.

افغانستانده سونگّی پیتلرده یوزبیرگن ساووق هوا طفیلی 157 کیشی نینگ حیاتی نی یوقاتگن لیگینی شونده ی بولیب اینگ کوپ تلفات نینگ غور، بدخشان، پکتیکا و پکتیا ولایتلریده یوز بیرگن لیگینی معلوم قیلدی.

رحیمی 75 مینگدن آرتیق کتته مال نینگ تلف بولیب کیتگن لیگینی بیلدیردی. 

افغانستان هواشناسلیک باشقرووی تامانیدن بیریلگن بیاناتده ایسه بو ییل قیش فصلیده هوانینگ ساووقلیگی نینگ اوتگن ییللرگه کوره ایککی قوات ساووق ایکن لیگی شونده ی بولیب غور ولایتی نینگ اینگ ساووق ولایت بولگن لیگی قید ایتیلدی.