پاکستان بیلن افغانستان اورته سیده گی چیگره ایشیگی قیته دن آچیلدی

پاکستان بیلن افغانستان اورته سیده گی چمن چیکه حدودیده یوز بیرگن توقنه شوو عاقبتیده بیر نفر پاکستان حربیسی نینگ حیاتینی یوقاتیشی نینگ آرتیدن 13 نوامبرده یاپیب قوییلگن حدود ایشیگی قیته دن آچیلدی.

پاکستان مطبوعاتیده اورین آلگن خبرلرگه کوره، هجوم نینگ آرتیدن ایککی اولکه حربی مقاملر اورته سیده بولیب اوتگن اوچره شوولر نتیجه سیده کیلیشوو تامین ایتیلگن لیگی بیلدیریلدی.

ییتکچیلر، افغانستان نینگ هجومچینی پاکستان گه تسلیم ایته جگی توغریسیده ایشانچ بیرگن لیگینی قید ایتدی.

چیگره ده گی افغانستان بیلن پاکستان خوفسیزلیک کوچلری کیلیشیب آلدی و حدود ایشیگی پیاده و تجاری اوتیشلرگه آچیلدی.

پاکستانلیک ییتکچیلر، 13 نوامبر کونی افغانستان تامانیدن اوق اوزیلیشی عاقبتیده بیر نفر پاکستانلیک حربی نینگ اولیشی و بیر حربی نینگ یره لنیشی طفیلی حدود ایشیگی نینگ وقتینچه لیک یاپیب قوییلگن لیگینی بیلدیرگندی.

ایککی اولکه نینگ چیگره کوچلری اورته سیده وقت وقتی بیلن توقنه شوولر یوزماقده.

پاکستان – افغانستان چیگره سی 2 مینگ 670 کیلومتردن عبارت بولیب ایککی اولکه اورته سیده 18 ته حدود ایشیگی موجود.

چمن و تورخم حدود ایشیکلری اینگ گاوجوم حدود ایشیگی اوله راق اتلماقده.