افغانستان ایچکی ایشلر وزیرلیگیده پارتلش یوز بیردی
اوشبو حادثه نینگ وزیرلیک نینگ ایچیده جایلشگن مسجدده یوز بیرگن لیگی معلوم قیلیندی
1888891
افغانستان نینگ پایتختی کابلده طالبان اوتیش دوری حکومتی نینگ ایچکی ایشلر وزیرلیگی نینگ ایچیده جایلشگن مسجدده توش نمازی چاغیده قتّیق پارتلش یوز بیردی.
ایچکی ایشلر وزیرلیگی سوزچیسی عبدالنافع تکور مطبوعاتگه بیرگن بیاناتده خوددی شو پارتلش حادثه سینی تایید ایتدی.
تلفات حقیده معلومات بیرمه گن تکور، حادثه توغریسیده تیرگاو باشله تیلگن لیگینی ایتدی.
ایچکی ایشلر وزیرلیگی نینگ ایشیکلری خوفسیزلیک چاره – تدبیرلری آلگن طالبان کوچلری تامانیدن یاپیب قوییلگن لیگی و مطبوعات نینگ تصویر آلیشی گه رخصت بیریلمه گن لیگی افاده ایتیلدی.
کابلده جمعه کونی هزاره لرنینگ منطقه سی بولمیش دشت برچیده بیر تعلیم مرکزیده یوز بیرگن پارتلش حادثه سی عاقبتیده 46 ته سی قیز اوقیووچی توپلم 53 کیشی حیاتینی یوقاتگندی.
